web counter
LEXO PA REKLAMA!

SHKARKO APP

App Store
Google Play

Ambasadorja e SHBA lë me “gisht në gojë” Bashën

4 Shkurt 2020, 12:19, Politikë CNA

Në 27 janar 2020, ambasadorja e re e Shteteve të Bashkuara të Amerikës në Shqipëri Yuri Kim i prezantoi letrat kredenciale Presidentit Ilir Meta.

Ndërkohë, gjatë këtyre ditëve, ambasadorja Yuri Kim ka zhvilluar takime prenzatuese me përfaqësues të politikës në Shqipëri, por edhe të drejtësisë.

Në fillim takoi kryeprokurorin Olsian Çela, më pas kreun e SPAK, Arben Kraja, takoi edhe kreun e Këshillit të Lartë të Prokurorisë, Gent Ibrahimi.

Po ashtu, Yuri Kim ka zhvilluar takime edhe me kryeministrin Edi Rama, kryeparlamentarin Gramoz Ruçi, presidentit Ilir Meta, por edhe ministrat e kabinetit qeveritar.

Gjithashtu, Yuri Kim zhvilloi edhe një vizitë në Durrës, për të parë nga afër, sikurse tha ajo, përpjekjet për rindërtim pas tërmetit tragjik të 26 nëntorit.

Por, një detaj që bie në sy është fakti se ambasadorja amerikane, Yuri Kim, ende nuk është takuar me kreun e Partisë Demokratike, Lulzim Basha.

Siç duket, Basha është lënë pas liste nga përfaqësuesja e SHBA në Shqipëri, pas vendimeve të tij ekstreme, siç është djegia e mandateve të deputetëve apo bojkoti i zgjedhjeve. Veprime këto të kritikuara fort nga SHBA, por edhe partnerë të tjerë Europianë.

Mesa duket veprimet e tij e kanë bërë Bashën të papërfillshëm në sytë e ndërkombëtarëve./ CNA.al





Lajmet e fundit nga