E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pse Luli nuk shkon për vizitë në SHBA?

4 Shkurt 2020, 12:10, Politikë CNA

Po bëhet më shumë se një vit që kreu i Republikës së re, Lulzim Basha nuk ka zhvilluar dot ansjë vizitë në Shtetet e Bashkuara të Amerikës.

Në muajin tetor 2019, mediat pranë Lulzim Bashës thanë se Lulzim Basha do të shkonte në SHBA. Për më tepër, thuhej se kishte dhe disa takime, dhe një axhendë të plotë atje, por çuditërisht më pas u njoftua se Luli e anulloi axhendën e tij, pra nuk shkoi në Amerikë.

Por, pavarësisht se në mediat pranë Bashës dhe zyra e shtypit e justifikoi anullimin e vizitës me vendimin e BE-së, për të mos çelur negociatat me Shqipërinë, në fakt kjo ngre shumë dyshime.

Së pari, a mundet që Luzim Basha të anullonte takime me senatorë dhe kongresmenë amerikanë, kur atje i kanë plasur skandalet e financimeve ruse dhe është nën hetim nga FBI?

Kjo duket e pamundur dhe Lulzim Basha kurrsesi nuk do ta bënte një veprim të tillë.

Nuk kishte një ftesë zyrtare. Nuk kishte një axhendë të qartë dhe ambasada me shumë gjasa mund, po e theksojmë edhe një herë mund ti ketë refuzuar vizën. Pasi që Luli të anullojë vizitën në SHBA dhe takimet me senatorë e kongresmenë për çështjen e negociatave të Shqipërisë është totalisht e pabesueshme. Ashtu siç duket totalisht e pabesueshme edhe që Luli të ketë anulluar vizitën në SHBA për shkak të një tjetër axhende në Tiranë.

Më pas u tha se vizita ishte shtyrë për në muajin dhjetor, por iku dhjetori, iku edhe janari dhe ai nuk ka zhvilluar ende asnjë vizitë në SHBA, gjë që të çon në dyshime se ka një arsye madhore se pse Lulzim Basha nuk ikën dot në SHBA.

Por, një tjetër detaj që bie në sy është fakti se kjo ka ndodhur pasi Lulzim Basha vendosi të djegë mandatet e deputetëve, duke lënë demokratët të papërfaqësuar në parlament., një veprim ky që pati kritika të forta nga ndërkombëtarët.

Për më tepër SHBA në atë kohë paralajmëronte Bashën se nëse do të pengonte zgjedhjet vendore të 30 qershorit, do të futej në listen e personave ?non grata? në SHBA.

?I kemi paralajmëruar drejtuesit e opozitës të mos pengojnë procesin zgjedhor, çka siç e vërejta, mund të përbënte shkak për të mos u kualifikuar për të hyrë në SHBA?.-tha në atë kohë, zyrtari i lartë amerikan Matheë Palmer.

Por, mesa deklarata e Palmer ishte më shumë sesa thjeshtë një paralajmërim për Lulzim Bashën, pasi që prej shkurtit të vitit të kaluar ai nuk ka mundur të marrë një vizë për të udhëtuar përtej oqeanit. Kjo të çon në dyshime të forta se SHBA po e ndëshkon Lulzim Bashën për veprimet e tij të paprecedenta në historinë demokratike të vendit.

Prandaj e gjithë kjo heshtje në PD dhe asnjë sqarim nga selia e Republikës së re tregon qartësisht se ka një faktor madhor se pse Basha prej një viti nuk udhëton dot në SHBA./ CNA.al