web counter
LEXO PA REKLAMA!

SHKARKO APP

App Store
Google Play

E fundit!

x

U shfaq krah Bashës në videon e inskenuar/ Auditori Kotorri dorëhiqet nga KLSH

4 Shkurt 2020, 16:37, Politikë CNA

Në një video të publikuar ditën e djeshme, nga kreu i opozitës Lulzim Basha, shfaqej ky i fundit duke takuar qytetarë “të rastësishëm” dhe biseduar me një djalë të ri për vizionin e opozitës.

Ky djalë rezultoi të ishte Brenton Kotorri, një aktivist i kahershëm i Forumit Rinor të Partisë Demokratike, ish asistent i nënkryetarit të Bashkisë së Tiranës, kur kjo drejtohej nga Basha, dhe, aktualisht, Auditues i Nivelit të Parë në Kontrollin e Lartë të Shtetit, pranë Departamentit të Auditimit dhe Performancës.

Lidhur me këtë ka reaguar sot Kontrolli i Lartë i Shtetit, i cili deklaron se ky institucion është një organ i depolitizuar dhe i departizuar, si dhe në Kodin e Etikës të Institucionit.

KLSH thekson se: ?Punonjësit që ushtrojnë funksione audituese të KLSH-së nuk lejohet të marrin një mandat politik, as të jenë anëtarë aktivë të ndonjë organizate apo partie politike si dhe nuk duhet të marrin pjesë në veprimtari politike ose me karakter tregtar. Përjashtohen nga kufizimi mësimdhënia, botimet dhe veprimtaritë kulturore apo sportive me kusht që këto aktivitete të mos dëmtojnë dinjitetin e institucionit dhe të mos cënojnë paanshmërinë dhe pavarësinë e tij?.

Për këtë arsye bën me dije se reagimi i medias është i drejtë, pasi thekson se audituesi duhet të kishte pritur që dorëheqja e tij të ishte konfirmuar nga Kryetari i KLSH-së, përpara se të ndërmerrte angazhime të këtij lloji.

Pas kësaj sjelljeje të audituesit, KLSH informon se ka pranuar dorëheqjen e Kotorrit, sapo ky i fundit e ka paraqitur gjatë ditës së sotme, ndaj theksohet se nuk është më punonjës i KLSH-së./ CNA.al





Lajmet e fundit nga