Video-Cili ka qënë gabimi i Bashës?!

5 Shkurt 2020, 09:48, Politikë CNA

Kryetari i Republikës së re, Lulzim Basha së fundi ka dalë me një imazh të ri, ndoshta pasi ka punësuar një kompani izraelite për këtë dhe asaj i ka bashkuar edhe gazetaren Desada Metaj. Por, kjo nuk ka rëndësi.

Fakti është se Lulzim Basha duket se kohët e fundit po tenton të shitet para qytetarëve si një njeri i thjeshtë, që është pranë tyre dhe i dëgjon.

Pas fotove ku pretendon se po pi kafe në lagje me njerëz të zakoshëm, apo fotos ku mban një qese me domate, Basha ka publikuar edhe një video duke bërë xhiro nëpër Tiranë e duke takuar njerëz të ndryshëm.

Përmes këtij videomesazhi Basha shprehet se pranon të metat dhe gabimet që ai ka bërë në të kaluarën.

?Kudo që shkoj njerëzit kërkojnë të njëjtat gjëra, mundësi, punësim, shëndetësi dhe arsim të denjë. Një qeveri që kujdeset për ta, një qeveri që i dëgjon. Si çdokush edhe unë kam të metat e mia dhe e di shumë mirë se kam bërë dhe gabime në të kaluarën. Por një gjë ua premtoj të gjithë shqiptarëve se gjithmonë do iu dëgjoj, do iu shërbej dhe sgjithmonë do ju vë juve të parëve?, shprehet Basha.

Pra, Basha tani thotë se i ka kuptuar dhe i pranon gabimet, por për çfarë gabimesh e ka fjalën?

Gabimi ka qënë që e ka sulmuar LSI-në, dhe e ka quajtur pati e shushunjave? Që ka thënë se nuk do qeverisë kurrë me LSI? Se ka thënë që të mos ketë asnjë votë për LSI?

Më poshtë sjellim një video, ku në 12 qershor të vitit 2017, në emisionin ?Dritare me Rudinën?, kryetari i opozitës, Basha, është shprehur se LSI nuk ka asnjë shans për pushtet madje u bëri thirrje demokratëve në LSI që të kthehen tek PD.

?Kjo është shprehje e vendosmërisë sime si kryetar i opozitës, kurrë më mos të lënë demokratët në dyshim se unë si kryetar i partisë mund të bëj një pazar me LSI-në, sepse në qoftë se ky dyshim ekziston atëherë çdo demokrat s?ka pse të mos joshet nga shit-blerja e votës. Dhe unë dua ti them sot cdo demokrati dhe demokrateje. Nuk do të qeverisim me LSI-në. Mos bëni gabimin fatal se do të mbeteni si baftjar në hauret e Republikës së vjetër.?-tha Basha në atë kohë.

Këtë e quan gabim Lulzim Basha?

Apo quan gabim faktin se ka dashur që Ilir Meta të arrestohet dhe të futet në burg, kur ishte kryetar Kuvendi?

Apo gabimi është që tani ka në koalicion Monikën dhe LSI-në?

Kush është gabimi i Lulit, të na e tregojë se kush nga këto janë gabimet? Shqiptarët duhet ta dinë, duhet ta mësojnë dhe demokratët.

Një herë ka thënë që Ilir Meta duhet të hyjë në burg, një herë ka thënë që nuk do bëj më kurrë koalicion me LSI-në, ndërsa tani është në koalicion me LSI-në, me Monën. Në çadër atëherë kërkonte që Ilir Meta ti shkonte në krah, pastaj tha më asnjë votë për ta. Për çfarë ka gënjyer? Cili ka qënë gabimi i tij?

Këtë duhet që kreu i Republikës së Re tua shpjegojë demokratëve dhe shqiptarëve./ CNA.al

Lajmi i madh erdhi/ Luli ka dalë shëtitje në Tiranë

Lulzim Basha konkuron Olti Currin

A mund të na gënjejë Luli me një qese domate ?!

Video-Shushunjat, që sot i mban nën sqetull/ Si mendon Basha për LSI dhe PDIU