Zbulohet skenari i radhës/ Videot e Bashës si telenovela turke

4 Shkurt 2020, 16:01, Politikë CNA

pas pazarit të fundit me Edi Ramën, Lulzim Basha ka filluar të shfaqet në media me një imazh tjetër.

Pas shumë raportimeve në media, gjithçka ka ndryshuar pas ardhjes në Tiranë të një kompanie izraelite, e cila po kujdeset t?i ngrejë një profil publik Lulzim Bashës, kryetarit të Republikës së Re.

Kësaj kompanie i është bashkuar edhe Desada Metaj, gazetarja, e cila është në rolin e koordinatores në krah të Lulzim Bashës, por një pjesë e madhe e vendimeve merren edhe nga familjarët e tij nga ku shpesh vijnë informacione se është edhe Aurela, bashkëshortja e tij, ajo që edhe vendos për imazhin e ri ?të kuruar? të kreut të Republikës së Re.

Por sado të përpiqet, shqiptarët e njohin mjaft mirë imazhin e Lulzim Bashës, e kanë parë në fushatat e 2004-ës, e deri në kryetar të Bashkisë së Tiranës, ministër të Jashtëm, të Brendshëm, të Transporteve, të përfshirë në skandale, akuza e abuzime, kryetar të opozitës e gjithka tjetër. Por gjithsesi makiazhi tashmë është kthyer në serial telenovelash turk.

Pas shëtitjes me një militante të PD-së, me një qese në dorë, ku militantët thonin se ishin shegë, kurse gazetarët dhe opinioni publik talleshin se kishte blerë domate, në një video qesharake dhe një foto ku ai mbante një qese, ndërkohë që qytetares i kishte lënë 3 apo 4 në dorë, me qytetaren e veshur shumë thjeshtë, ndërsa ai me xhup e këpucë llustafinë dhe veshje që ndoshta i shkonin disa dhjetëra-mijëra euro, na dhanë mesazhin e tij të parë.

Donin të tregonin me mesazhin e dytë në një kafe se Luli zgjohej shpejt, pinte kafe, bisedonte me njerëz dhe lëvizte. Tek e treta doli shëtitje në Tiranë, ?i dëgjoi? njerëzit, por në finale një person që e shoqëronte u pushua nga puna, një militant i PD-së i cili punonte në Kontrollin e Lartë të Shtetit.

Këto qenë tre videot e para, mësohet se e katërta është regjistruar së fundmi në Qytetin Studenti dhe pritet të dalë shumë shpejt. Një mesazh që do të jetë për studentët dhe për të rinjtë dhe pritet të dalë në vijim me një mesazh tjetër nga kreu i Republikës së Re.

Gjithsesi këto përpjekje lavdëruese të Desadës, kunatit, gruas, kompanisë konsulente, etj, janë me shpresën se Basha mund të ngrihet, ashtu si po tentohet të luhet me imazhin e tij me sondazhe se gjoja kemi një mbështetje të madhe popullore.

Në fakt problemi i ankthit, stresit që ka Shqipëria, përtej urrejtjes dhe pakënaqësisë ndaj qeverisë, është dhe mungesa e shpresës, pasi opozita, ekskluzivisht Lulzim Basha dhe Monika Kryemadhi nuk shihen si alternativë, por si dy instrumenta të keqpërdorur nga Edi Rama, si pjesë e një politike perverse pazaresh dhe shantazhesh, emra të konsumuar, emra të keqpërdorur që nuk ngjallin besim e aspak shpresë te qytetarët.

Prandaj dhe kompania e huaj po përpiqet t?i ndërtojë një profil publik Lulzim Bashës që ndoshta të ngrejë diçka në votat e opinionit publik dhe në mbështetje të tij, por harojnë se nuk e njohin shqiptarët sot Lulin, por kanë 16 vjet me të dhe e dinë shumë mirë që është një nga politikanët më jetëgjatë në pushtet, një nga politikanët më të akuzuar, një nga njerëzit më të pasur në Shqipëri me 1.7 miliardë dollarë pasuri, e kështu me radhë.

Ashtu siç e përmendëm edhe më lart, edhe kur del për të korrigjuar imazhin, ai e shkatërron me veshjet e tij të shtrenjta dhe me pasazhet e pamenduara mirë që disa nga njerëzit afër stafit kërkojnë ta shesin në publik si një Luli që dëgjon, si një Luli qytetar, si një Luli familjar, si një Luli që është tek njerëzit.

Në fakt është krejt e kundërta. Ai është një Lulzim Basha i izoluar, i vetmuar, një njeri që është përdorur dhe keqpërdor kundër interesave të demokratëve, kundër interesave të qytetarëve dhe këtë e ka bërë për të kapur pakëz pushtet.

Thjesht dhe vetëm ai ka dështuar duke u bërë edhe pjesë e pazareve të pista dhe mjaft korruptive me kreun e qeverisë Rama./ CNA.al