web counter
LEXO PA REKLAMA!

SHKARKO APP

App Store
Google Play

1 muaj grevë në Francë/ Shënohet rekordi historik

3 Janar 2020, 08:37, Kosova & Bota CNA

Sot është dita e 30-të e grevës hekurudhore franceze kundër reformës së pensioneve, duke tejkaluar grevat historike të viteve ’80 në zgjatje kohore, ndërsa grevistët dje thyen rekordin e mëparshëm të kohëzgjatjes së grevës, të mbajtur nga SNCF Railways nga 1986-87. Grevat këtë dhjetor kanë paralizuar rrjetin hekurudhor të vendit dhe metrosë së kryeqytetit gjatë sezonit të festave.

Të enjten, SNCF njoftoi se vetëm gjysma e trenave të famshëm TGV me shpejtësi të lartë do të funksiononin. Në Paris, vetëm dy linja të metrosë, të cilat funksionojnë pa shoferë të trenave, funksiononin normalisht dje, me pjesën e mbetur të rrjetit të minimizuar deri në shkaktimin e problemeve serioze për banorët e kryeqytetit francez. Bisedimet e qeverisë me përfaqësuesit e sindikatave pritet të rinisin.

Në fjalimin e tij të Vitit të Ri, Presidenti Macron përsëriti qëllimin e tij për të përfunduar reformën e pensioneve, duke rritur moshën e pensionit të plotë në 64, nga 62 që është sot. Ndërkohë, policia dje u përpoq të largojë duke përdorur gaz lotsjellës sulmuesit që kishin bllokuar një stacion autobusi në periferi. Më vonë, policia përdori përsëri kimikate kundër demonstruesve që po mblidheshin në mënyrë të paligjshme për të marshuar në Shtëpinë e Operës./CNA.al





Lajmet e fundit nga