web counter
LEXO PA REKLAMA!

SHKARKO APP

App Store
Google Play

E fundit!

x

Jeton e vishet si i moshuar/ Kush është 20-vjeçari kosovar

2 Janar 2020, 19:50, Kosova & Bota CNA

Është vetëm 20 vjeç, por vishet dhe jeton si një i moshuar i kohëve të hershme. Yll Raçi nga Podujeva ka zgjedhur një stil më të veçantë të veshjes dhe të jetesës.

Ylli nuk shoqërohet me moshatarët e tij, por me njerëz të moshës 70-80 vjeçare. Ai nuk del me shokët në kafe, por i fton t`i bashkohen në odën e tij në fshat. Siç shprehet ai, jetën në qytet nuk e pëlqen, ai ka zgjedhur të jetojë si në të kaluarën, e të merret pa përtesë me bagëti, raporton Insajderi.com.

?Mu më pëlqen me qenë çoban, në bjeshkë. Në qytet nuk mbahet as kal e as dhi. Bjeshka e ngre njeriun, vetë natyra?, tha i riu.

Veshjet i gjen nëpër zona ku ende ruajnë traditën e nganjëherë edhe i qep vetë. Ndërsa thotë se kudo që shkon nuk e largon plisin nga koka, shton se këtë e bën për të ruajtur vlerat e kombit shqiptar.

Me veshje të pleqve Ylli ka shkuar edhe në shkollë, aty ku thotë se mori komente të mira nga profesorët.

Ylli, pasi e ka përfunduar shkollën ka nisur një punë interesante. Msitninë (bashkimin) e çifteve. Deri tash thotë se ka bashkuar 30 çifte. Përvec këtij aktiviteti ai merr pjesë edhe në pajtimin e gjaqeve./CNA.al





Lajmet e fundit nga