E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

2019-ta në foto/ Imazhet më pikante

2 Janar 2020, 08:40, Kosova & Bota CNA

2019-ta ishte një vit i ngjeshur me ngjarje, jo vetëm nga Shqipëria, por nga e gjithë bota. Britania e Madhe na vjen me ngjarjet më të rëndësishme në disa foto pikante që tregojnë rrugëtimin përgjatë këtij viti.

Në imazhin e parë shfaqet pronari i një makine Reliant Robin me tre rrota, duke u përballur me dëborën pranë fshatit Shap në janar. Rrugët dhe shkollat u mbyllën në të gjithë Cumbrinë, në veri të Anglisë.

Një grup turistësh polakë po argëtohen në një ditë të ftohtë dimri, duke provuar se sa prej tyre mund të futen njëkohësisht në një kabinë telefonike në Westminster, të Londrës.

Protestuesi Anti-Brexit Steve Bray (majtas) dhe një protestues pro-Brexit duke debatuar, në janar, ndërsa po protestojë jashtë Parlamentit, në Westminster.

Olivia Colman me çmimin Oskar si aktorja më e mirë, për rolin e Mbretëreshës Anne në ?The Favorite?. Ajo mbajti një fjalim të përzemërt, duke thënë: “Është vërtet stresuese. Kjo është për të qeshur. Fitova një Oskar”.

Binjaket Ami dhe Aya nga Tokio gjatë Javës së Modës në Londër.

Në shkurt, studentët në të gjithë vendin braktisën mësimin dhe u ngritën në protestë dhe i bënë thirrje qeverisë të shpallte një emergjencë klimatike dhe të ndërmarrin hapa aktivë për të zgjidhur problemin. Më vonë u zhvillua një grevë globale për klimën, pasi miliona njerëz në mbarë botën demonstruan për ngohjen globale.

Aktivistja suedeze e klimës Greta Thunberg (në mes) takohet me udhëheqësin e Partisë së Gjelbër Westminster Caroline Lucas (majtas) dhe udhëheqësin e Punës Jeremy Corbyn në Dhomën e Komunave në Prill. Thunberg kritikoi Mbretërinë e Bashkuar për ngrohjen globale, ndërsa ish-kryeministrja Theresa May, nuk mori pjesë në këtë takim.

Në prill, rreth 50 zjarrfikës u angazhuan për të shkuar flakët që kishin përfshirë gjashtë hektarë bimësi mbi White Wells në Ilkley. Forcat zjarrfikëse i vunë flakët nën kontroll me ndërhyrje nga ajri me helikopterë, pasi temperaturat e larta aktivizuan zjarrin.

Kopshtari Eric Drennon krijoi një labirint në Traquair House, në Peebleshire. Labirinti ndodhet në shtëpinë më e vjetër të Skocisë, në të cilën kanë jetuar për 900 vite mbretërit dhe mbretëreshat e Skocisë.

Një mikeshë e gazetares, Lyra McKee duke mbajtur një njoftim në funeralin e gazetares së vrarë në Katedralen e St Anne në Belfast. 29 vjeçarja McKee u qëllua në kokë në prill të këtij viti teksa ishte duke raportuar incidentet e dhunës në Irlandën e Veriut. Policia e cilësoi vrasjen e saj si ?incident terrorist?, ndërsa ushtria e re irlandeze (IRA) pranoi kryerjen e vrasjes dhe i kërkoi falje familjes dhe miqve të saj.

Udhëheqësi i Partisë Brexit Nigel Farage goditet me ?Milkshake? gjatë një marshimi të qytetarëve që janë kundër daljes së Britanisë së Madhe nga BE-ja, në Newcastle në maj. Paul Crowther, 32 vjeç, u deklarua fajtor për sulmin, nga Gjykata e Magjistraturës North Tyneside, që e cilësoi situatën si të ?motivuar politikisht”.

Boris Johnson duke hyrë në 10 Downing Street në ditën kur u konfirmua si Kryeministri i ri nga Mbretëresha në korrik. Johnson u zgjodh si drejtuesi i ri Konservator me 92153 vota nga anëtarët e partisë, ndërsa në dhjetor ai fitoi me shumicë të madhe votash zgjedhjet e përgjithshme.

Një zhytës noton së bashku me një kandil deti me përmasa shumë të mëdha në brigjet e Cornwall. Në korrik, biologu i jetës së egër Lizzie Daly dhe zhytësi i tij Dan Abbott u ndeshën me kandilin e detit gjatë një projekti njëjavor duke dokumentuar takimet detare.

Martha Brown dhe partnerja e saj, Louise McCullough, festojnë legjislacionin e ri në Belfast. Në tetor, ligji u miratua për të lejuar njerëzit e të njëjtit seks të martoheshin dhe aborti u dekriminalizua. Dasmat e para të të njëjtit seks në Irlandën Veriore janë vendosur të zhvillohen në shkurt të vitit 2020./ CNA.al