web counter
LEXO PA REKLAMA!

SHKARKO APP

App Store
Google Play

Zbulohet misteri i Nilit, lumit 30 milion vjeçar

1 Janar 2020, 19:30, Kosova & Bota CNA

Lumi Nil, i konsideruar nga egjiptianët e lashtë si burimi i jetës, është rreth 30 milion vjet i vjetër dhe gati gjashtë herë më i gjatë nga sa kishin menduar shkencëtarët, sipas studimeve të reja.

Nili ka ndjekur një kurs veriperëndimor me rrjedhën e tij dhe ka bërë pjellore luginat e Afrikësverilindore për miliona vjet, ndërsa ka luajtur një rol vendimtar në rrjedhën e qytetërimit njerëzor. Shkencëtarët, në një studim të ri, vlerësojnë se përveç moshës së tij shumë më të vjetër, Nili, nëse manteli i tij nuk do të ndikohej nga morfologjia dhe lëvizja e shkëmbinjve në thellësitë e Tokës, do të ishte kthyer në perëndim me kohë, diçka që ndoshta do të ndryshonte rrjedhën e historisë egjiptiane (dhe jo vetëm).

Rrjedha e qëndrueshme e lumit me kalimin e kohës ka qenë gjithmonë një mister gjeologjik, pasi lumenjtë e gjatë zakonisht lëvizin gradualisht dhe ndryshojnë rrjedhën. Studiuesit nga SHBA, Italia dhe Izraeli, të udhëhequr nga profesori Claudio Fachena i Universitetit të Romës, i cili edhe botoi studimin në revistën Geoscience Nature, hodhën dritë mbi këtë mister, duke lidhur lëvizjen shumë të ngadaltë të Nilit, me mantelin e nëndheshëm poshtë ujit.

Topografia e nëntokës nga malësitë e Etiopisë deri në Deltën e Mesdheut krijon një pjerrësi specifike që e ka mbajtur Nilin në të njëjtin shtrat për miliona vjet. Shkencëtarët kanë i verifikuar zbulimet e tyre me stimulime kompjuterike që kanë rindërtuar 40 milion vjet aktivitet tektonik në rajonin e Nilit.

Studiuesit synojnë të përdorin metodën e re për të datuar lumenjtë e tjerë të mëdhenj, të tillë si Yangtze në Kinë dhe Kongo në Afrikë./Përshtati nga kathimerini.gr, CNA.al.





Lajmet e fundit nga