web counter
LEXO PA REKLAMA!

SHKARKO APP

App Store
Google Play

Horror në Greqi/ I riu vret në gjumë kumbarin, ia copëton trupin dhe e hedh në koshin e plehrave

30 Dhjetor 2019, 08:11, Kosova & Bota CNA

Një ngjarje makabre ka ndodhur në Greqi ku një 21-vjeçar ka vrarë kumbarin e tij në zonën e Petrolanës.

I riu, identiteti i të cilit nuk është bërë i ditur e ka hedhur më pas trupin e kumbarit të tij në koshin e plehrave.
Vitet e fundit, 52-vjeçari ka qëndruar në banesën në Petralona, ku i riu jetonte me nënën e tij, dhe kanë qenë fqinjët e familjes ata që e kanë vënë re mungesën e viktimës.

Vetë 21-vjeçari ka thënë për policinë se e kishte vrarë 52-vjeçarin sepse po abuzonte me nënën e tij.

?Kam dashur ta vras atë prej kohësh?, tha i riu.

Sipas mediave greke, ai tregoi se mori thikën dhe ndërsa kumbari i tij ishte në gjumë filloi ta godiste atë. Më pas e copëtoi dhe e hodhi në plehra.
Kamerat e sigurisë kanë kapur momentin duke hedhur kumbarin e tij në kazanin e plehrave, brenda një qese plehrash, në 1:44 të mëngjesit.

Nga ekspertiza rezultoi se si nëna ashtu edhe djali kanë probleme psikologjike, kështu që gruaja u shtrua në klinikën psikiatrike të Spitalit të Përgjithshëm ?George Gennimatas?./CNA.al





Lajmet e fundit nga