E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Kërcënimi me jetë i Albin Kurtit/ Vetëvendosja kallëzon penalisht kandidatin për deputet

28 Dhjetor 2019, 22:13, Kosova & Bota CNA

Menjëherë pas kërcënimit me jetë të Albin Kurtit, partia “Nisma” të cilës i përket autori i kërcënimit është tërhequr. Ndërkohë që autori i deklaratës së rrezikshme, Haxhi Hoti e ka quajtur atë “gabim teknik”.

Por nuk ka patur të njejtin vlerësim “Lëvizja Vetëvendosje” e Albin Kurtit.

Përmes një postimi në rrjetet sociale, kjo Lëvizje, shprehet se kjo gjuhë krimi përdoret nga një kandidat për deputet i një force politike, të cilën e konsideron se përdor pushtetin për të kapur shtetin, ndërsa bën me dije se ka dorëzuar kallzim penal ndaj autorit.

Reagimi i Lëvizjes Vetëvendosje:

Gjuha e krimit nuk ka vend në politikë

Pasi u sinjalizuam nga mediat për një kërcënim brutal drejtuar kryetarit të Lëvizjes, Albin Kurtit, përfaqësuesi i zyrës ligjore të Lëvizjes, Berat Ganiqi, dorëzoi një kallëzim penal në stacionin policor ?Qendër?, në Prishtinë.

Ne nuk e dimë nëse ai kërcënim ka qenë i porositur, gjakftohtë, apo i nxitur nga kultura e urrejtjes ndaj Lëvizjes, e cila është kultivuar për vite me radhë nga subjektet e pushtetit, që janë pasuruar paligjshëm duke varfëruar Kosovën. Këto gjëra duhet t?i zbulojë policia e prokuroria.

Megjithatë, rasti ka rrethana rënduese, për shkak se kërcënuesi është pjesë e listës së kandidatëve për Kuvendin e Republikës, nga një parti e koalicionit PAN, të shquar për keqqeverisje e kapje të shtetit. Përveç subjektit të vet partiak, nga postimet e tij publike në rrjete sociale kuptohet se kërcënuesi është edhe adhurues i madh i presidentit të Republikës.

Shpesh e shohim fenomenin e përzierjes së elementëve me prirje të dhunshme e kriminale me elitat politike, ligjvënëse e ekzekutive. Pikërisht këtë fenomen synon ta luftojë Lëvizja VETËVENDOSJE! Populli i Kosovës nuk dëshiron që kriminelët të jenë në pozita pushteti.

I vlerësojmë faktorët publikë e politikë, si edhe qytetarët që distancohen dhe dënojnë pa ekuivok dhe pa relativizim këtë sjellje të papranueshme. Presim nga policia e prokuroria të veprojnë sipas ligjit.

Kosova e ka vetëm një rrugë përpara, atë të ligjit e të zhvillimit, në luftë pa kompromis kundër krimit, pabarazisë dhe injorancës./CNA.al