web counter
LEXO PA REKLAMA!

SHKARKO APP

App Store
Google Play

Berberi që ka një bibliotekë në sallonin e punës

31 Dhjetor 2019, 23:35, Kosova & Bota CNA

I privuar nga mundësia për arsim të mirëfilltë, P. Ponmariappan, një berber në Tuticorin të Indisë, është i vendosur që të motivojë të rinjtë për të lexuar, në mënyrë që t?ua ngulisë si ves një herë e mirë. Ai ka gjetur një mënyrë për ta bërë këtë. Pikërisht në sallonin ku kryen punën si berber, ka ngritur një bibliotekë prej më shumë se 800 librash . Ai nuk ndalet vetëm këtu, por u bën 30% zbritje nga çmimi klientëve që kur shkojnë për të prerë flokët lexojnë librat, apo reagojnë pozitivisht kundrejt tyre.

Për shkak të varfërisë skajshme, 38 vjeçarinuk mundi të studionte përtej klasës së tetë.Megjithatë, etja e tij për njohuri e ka ndjekur gjithmonë. Ai e kultivoi zakonin e të lexuarit pasi lexoi ?Puthagamae Thunai? (libri është një shok i mirë) dhe nga aty mori idenë për të mbledhur libra dhe t’i shfaqte në dyqanin e tij.

“Unë nuk pata mundësinë për të ndjekur arsimin e lartë, por kuptova që librat mund t’ju ndihmojnë të shkoni shumë përpara në pasurimin e njohurive tuaja.Kështu që, fillova të mbledh libra dhe inkurajova nxënësit e shkollave dhe të rinjtë që t’i lexojnë ata, “tha Ponmariappan.

Ai u sigurua që të rinjtë të lexonin libra ndërsa prisnin në radhë për të prerë flokët.Shumë të rinj, të cilët ishin të fiksuar me celularët e tyre, në fillim u mërzitën me kërkesën e tij.
“Ne kalojmë kaq shumë kohë me librat tanë shkollorë, dhe tani ai po na detyron të lexojmë libra te berberi,” u ankua një klient.

Për t?u siguruar që studentët të lexojnë të paktën disa faqe nga një libër, ai i bën ata të shkruajnë thelbin e asaj që kanë lexuar në një fletore të vogël që ruan në dyqanin e tij. ”
Kjo i inkurajon të tjerët të lexojnë të njëjtin libër,” tha ai.

Ponmariappan e ngriti koleksionin e tij të librave gjashtë vjet më parë, me 250 libra. Tani ai ka rreth 850 tituj. Ndërsa prëpjekjet e tij janë vlerësuar shumë, Ponmariappan premton se gjatë vitit 2020 do e shtojë edhe më shumë bibliotekën e tij./Përshtati nga timesofindia.com, CNA.al





Lajmet e fundit nga