web counter
LEXO PA REKLAMA!

SHKARKO APP

App Store
Google Play

Radio-teleskopi më i madh në botë/ Zbulimet e para

1 Janar 2020, 20:45, Kosova & Bota CNA

Radio teleskopi më i madh në botë, me diametër 500 metra, gjigandi FAST (Aperture Spesical Radio Telescope), i njohur gjithashtu si “Syri i Parajsës”, ka nisur zyrtarisht punën duke siguruar aksesin për astronomë nga e gjithë bota.

Ky teleskop është në gjendje të mbledhë valët e radios përmes një sipërfaqe dy herë më të gjerë se radio-teleskopi më i madh deri tani, Aresibo në Porto Riko, i cili ka diameter prej 305 metrash. Ndjeshmëria e madhe e FAST do të lejojë zbulimin e fenomeneve misterioze kozmike, të tilla si, radio-shpërthime të shpejta (FRB), yje të rrotullueshëm pulsantë si edhe përplasje midis vrimave të zeza. FAST do të përdorë gjithashtu radio-valët për të zbuluar eksoplanetet.

Teleskopi që kushtoi 171 milion dollarë dhe për ndërtimin e të cilit u deshen 10 vjet, filloi testimin në vitin 2016. Ai ka zbuluar 130 pulsantë të shpeshtë (krahasuar me 200 të tillë që Aresibo ka zbuluar që nga viti 1968), si dhe një radio-shpërthim të rrallë, të përsëritur qindra herë.

Teleskopi ndodhet në një lokacion shumë të izoluar në jug-perëndim të Kinës, në një sipërfaqe prej 30 fushash futbolli, gjë që e ka vënë në vështirësi stafin e tij shkencor dhe teknik.

“Pllaka” e FAST prej 500 metrash përbëhet nga 4,450 panele alumini individuale. Megjithëse ka një rezolutë më të ulët sesa grupi i madh i radio-teleskopëve (duke kombinuar më shumë se një “pjatë”), është unik në ndjeshmërinë ndaj të dhënave të radio-astronomisë, në rang ndërkombëtar.

FAST është përgjegjës për funksionimin e Observatorit Kombëtar Astronomik të Akademisë së Shkencave Kineze. Ai u financua ekskluzivisht nga qeveria kineze./Përshtati nga kathimerini.gr, CNA.al.





Lajmet e fundit nga