E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Pse kinezët kanë Vit të Ri ndryshe nga pjesa tjetër e botës

31 Dhjetor 2019, 20:15, Kosova & Bota CNA

Viti i Ri Kinez, i njohur gjithashtu si ?Viti i Ri Hënor? ose ?Festival i Pranverës?, është festivali më i rëndësishëm në Kinë.

Kur është Viti i Ri Kinez?

Viti i Ri kinez bie në data të ndryshme çdo vit, pasi përcaktohet nga kalendari hënor.

Data e Vitit të Ri Kinez bie në hënën e dytë të re pas solsticës së dimrit (diellndalimi dimëror) më 21 dhjetor.

Këtë vit sipas ciklit kinez 12-vjeçar të zodiakut të kafshëve, Viti i Ri bie të shtunën me 25 Janar të 2020, duke startuar kështu edhe ?Viti i Miut?. Pushimi për festat fillon me datë 24 deri 30 janar, 2020.

Pse quhet Festa e Pranverës?

Megjithëse është në dimër për shumicën e Kinës, Viti i Ri Kinez është i njohur gjerësisht si Festivali i Pranverës në Kinë, i cili është kremtimi më i rëndësishëm në vend, simbolizon fillimin e Vitit të Ri sipas kalendarit hënor kinez dhe përfaqëson dëshirën për një jetë të re.

Viti i Ri Kinez 2020 (Viti i Miut)

Ndryshe nga pjesa e tjetër e globit, që feston ardhjen e Vitit të Ri ndërmjet datës 31 dhjetor dhe 1 janar, Viti i Ri Kinez bie në data të ndryshme çdo vit, pasi bazohet në kalendarin hënor. Dita e Vitit të Ri kinez sivjet bie në 25 Janar dhe është Viti i Miut, normalisht bie nga data 21 janar deri me 20 shkurt.

2020: Viti i Miut do të fillojë në 25 Janar.

2021: Viti i Kaut do të fillojë në 12 shkurt.

2022: Viti i Tigrit do të fillojë në 1 shkurt

2023: Viti i Lepurit do të fillojë në 22 janar

2024: Viti i Dragoit do të fillojë në 10 shkurt

2025: Viti i Gjarprit do të fillojë në 29 janar, etj.

Festimet e Vitit të Ri Kinez – 4 karakteristika kryesore

Aktivitetet kryesore të Vitit të Ri Kinez përfshijnë:

1) Dekorimet festive,

2) Ngrënien e darkës së ribashkimit me familjen në prag të Vitit të Ri,

3) Fishekzjarrët,

4) Dhënia e zarfeve të kuq dhe dhuratave të tjera.

1.Dekorimet për Vitin e Ri ? Ngjyra e Kuqe konsiderohet me fat

Çdo rrugë, ndërtesë dhe shtëpi ku festohet Festivali i Pranverës është zbukuruar me të kuqe. E kuqja është ngjyra kryesore për festivalin, pasi e kuqja besohet të jetë një ngjyrë që sjell mbarësi.

Fenerë të kuq kinezë varen në rrugë; bankat dhe ndërtesat zyrtare zbukurohen me fotografi të kuqe të Vitit të Ri që përshkruajnë imazhe të prosperitetit.

Dekori më i madh publik bëhet një muaj më parë, por dekorimi i shtëpisë bëhet tradicionalisht në natën e Vitit të Ri Kinez.

Ndërsa viti 2020 do të jetë një vit i Miut, ku do të shihen zakonisht dekorimet në lidhje me minjtë.

2.Nata e Vitit të Ri Kinez – Koha e familjes

Nata e Vitit të Ri Kinez është koha më e rëndësishme. Kudo që të jenë, njerëzit pritet të mblidhen në shtëpi për të festuar festivalin e fundivitit me familjet e tyre.

Darka e Vitit të Ri Kinez quhet ?darkë e ribashkimit?, dhe besohet të jetë vakti më i rëndësishëm i vitit.

Pas darkës së ribashkimit, familjet normalisht ulen së bashku për të parë ?Festivalin Gala të Pranverës?, që është një nga shfaqjet televizive më të shikuara në Kinë. Në të njëjtën kohë, shumica e njerëzve dërgojnë zarfë të kuqë ose mesazhe të shkurtra për të njohurit përmes telefonit.

3.Fishekzjarret në Vitin e Ri Kinez

Fishekzjarrët shndërrijnë qiellin, për festimin e Vitit të Ri kinez. Ka qenë prej kohësh një traditë kineze për të ndezur fishekzjarret që në minutin e parë të vitit të tyre të ri.

Nga shfaqjet publike në qytetet kryesore deri në miliona festime private në zonat rurale të Kinës, hedhja e fishekzjarrëve është një traditë tashme e preferuar.

4.Dhuratat Kineze të Vitit të Ri dhe Zarfat e Kuq

Ashtu si në Krishtlindjet dhe Vitin e Ri në vendet e tjera, njerëzit shkëmbejnë dhurata gjatë Festivalit të Pranverës. Në zonat rurale dhe për njerëzit e moshuar, tradita e dhuratës së Vitit të Ri është ende e fortë, por gjithnjë e më të rinjtë preferojnë të marrin zarfa të kuq (ne dorë ose në mënyrë elektronike).

Dhuratat më të zakonshme të Vitit të Ri janë zarfa të kuq. Zarfat e kuq kanë para dhe besohet se sjellin fat të mirë sepse janë të kuq. Ato u jepen fëmijëve dhe pensionistëve.

Ushqimet Kineze për Vitin e Ri (Kanë kuptime simbolike)

Këto ushqime konsumohen gjatë sezonit festiv dhe veçanërisht për darkën e bashkimit familjar të Vitit të Ri.

Ushqimet e Vitit të Ri Kinez (dhe kuptimet e tyre simbolike) janë: