web counter
LEXO PA REKLAMA!

SHKARKO APP

App Store
Google Play

Rama me “dorë të hekurt”/ Ja sa vite burg rrezikon kush abuzon me lejet e ndërtimit

30 Nëntor 2019, 07:15, Politikë CNA

Kryeministri Edi Rama ka zhvilluar mëngjesin e sotëm një mbledhje të jashtëzakonshme me kabinetin qeveritar, në lidhje me situatën e rëndë pas tërmetit katastrofal të 26 nëntorit.

Në mbledhjen e sotme ndër të tjera, Rama ka vënë theksin tek abuzimi që është bërë me ndërtimet në Shqipëri, gjë e cila sipas tij çoi në këtë bilanc tragjik.

Më tej, kreu i qeverisë tha se kushdo që abuzon me lejet e ndërtimit, do të ketë sanksione të forta dhe dënimi do të jetë nga 7 deri në 15 vite burg.

?Kujt ti kërkosh përgjegjësi që një qytet u ndërtua në det? atyre që thanë se kjo është mrekullia e tetë e botës? Ashtu ka qënë koha. Por, ata që do të abuzojnë sanksione të forta.

Jemi maksimalisht të angazhuar! Do të flasim me vepra, do flasim me fakte. Po përgatisim dhe një akt për dënimin për të përcaktuar dhe për të mbyllur një debat, për fat të keq për ta mbyllur me 50 viktima, një debat që e kam humbur për 30 vjet.

Debatin e burgosjes të çdo individi, që merr leje ndërtimi me emrin e tij apo që është investitor dhe pronar i një kompanie që lë pas një ndërtim në ekzekutim.

7-15 vite burg për çdo ndërtues, çdo investitor, çdo arkitetk apo çdo person i përfshirë në ndërtime që leja i jepet për 3 kate dhe përfundon në 8 kate.?-tha ndër të tjera kreu i qeverisë./ CNA.al





Lajmet e fundit nga