E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

BE qëndron pranë Shqipërisë/ Dërgohen forca shtesë për situatën e rëndë pas tërmetit

29 Nëntor 2019, 14:18, Politikë CNA

Forca të shpëtmit të huaja dhe shqiptare duke bashkëpunuar në nxjerrjen e personave të bllokuar poshtë rrënojave të ndërtesave të shembura

Ambasadori i Bashkimit Europian në Tiranë, Luigi Soreca bën të ditur se BE është pranë Shqipërisë në këto ditë të vështira që po kalon, pas tërmetit shkatërrimtar të 26 nëntorit.

Soreca, shkruan se BE-ja po mobilizion një sektor shtesë për të ndihmuar Shqipërinë në operacionet e kërkim-shpëtimit të zonave të goditura nga tërmeti i 26 nëntorit.

Nëpërmjet një komunikimi në faqen zyrtare, Mekanizmi i Mbrojtjes Civile të BE-së shton se 3 ekipe me përbërje nga pjesëtarë rumunë, grekë dhe italianë do t?u bashkohët homologëve shqiptarë dhe të huaj për të vazhduar proçesin e spastrimit total të zonave që kanë pësuar dëmet më të konsiderueshme materiale.

“Bashkimi Evropian dhe shtetet anëtare të tij janë duke qëndruar përkrah Shqipërisë dhe po punojnë pa ndalim për të ofruar ndihmë në këtë moment shumë të vështirë. Ekspertët e Mekanizmit të Mbrojtjes Civile të BE dhe dhjetë Shteteve Anëtare të BE, janë aktualisht në terren për të ndihmuar autoritetet qendrore dhe vendore. Është një javë pikëllimi të thellë dhe tragjik për Shqipërinë. Ngushëllimet tona të përzemërta shkojnë edhe një herë për popullin shqiptar dhe veçanërisht për familjet, miqtë dhe komunitetet e atyre që kanë humbur jetën”, bën me dije Soreca.

“Bashkimi Evropian ka dërguar një Ekip për Mbrojtjen Civile, i cili po ndihmon autoritetet të koordinojnë reagimin tonë dhe të vlerësojnë dëmet. Qëllimi ynë është të ndihmojmë popullin shqiptar që vuan pasojat e këtij tërmeti”, tha Drejtuesi i Skuadrës së Mbrojtjes Civile të BE-së Peter Glerum.

It is a week of deep sorrow and tragedy for Albania. Our heartfelt condolences go once again to the Albanian people and especially to the families, friends and communities of those who have lost their lives. #EUforAlbania????

? Luigi Soreca?? (@LSorecaEU) November 29, 2019