E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“S’kemi frikë nga Rilindja!”/ JOQ, pas arrestimit të administratorëve: Kemi popullin, kaq na duhet

28 Nëntor 2019, 21:45, Politikë CNA

Redaksia e ?Jeta Osht Qejf? ka reaguar pas arrestimit të dy administratorëve të saj Erland Dalliu dhe Gentian Çengeli, nën akuzën e shpërndarjes së lajmeve të rreme.

Përmes një publikimi në faqen e saj, ndërsa thekson se arrestimi është bërë pas denoncimit të JOQ se si po abuzohej turpësisht me ndihmat, media shqiptare ka hedhur akuza ndaj qeverisë duke shkruar se pavarësisht situatës së vështirë “Rilindja” e gjen edhe kohën të sulmoj mediat që i nxjerrin “të palarat”.

?SIÇ E KENI DËSHMUAR KËTO DITË DHE NË 9 VITE JETË, JOQ KA POPULLIN DHE KAQ I DUHET TË ECË PËRPARA PA IU FRIKËSUAR RILINDJES!?, përfundon shkrimin e saj JOQ.

?Ndonëse gjendemi përballë një katastrofe natyrore që ka lënë pasoja tragjike dhe gjithë shteti duhet të angazhohej terësisht për të hartuar një plan të menjëhershëm masash për t?u ardhur në ndihmë të gjithë banorëve që janë prekur nga tërmeti i fuqishëm me magnitudë 6.4, “Rilindja” duket se gjen edhe kohën të sulmoj mediat që i nxjerrin “të palarat” dhe skandalet.

Mesditën e sotme, duke tentuar të heqin vëmendjen nga tragjedia që ka kapluar vendin, Policia e Shtetit del me një deklaratë për shtyp ka shpallur në kërkim administratorët e JOQ Albania.

Ky veprim i policisë vjen vetëm pak orë pasi në redaksinë e JOQ Albania një qytetar denoncoi një skandal të pazakontë të kryer nga një efektiv i policisë së Lleshit, faktuar me video, i cili paturpësisht çoi në shtëpi ndihmat e ardhura për banorët e prekur nga tërmeti.

Në videon e filmuar nga qytetari shihej qartë teksa efektivi zbarkon nga furgoni i policisë qese e çanta në zonën e “Vorrit të Bamit” ku dhe banonte.

Si kundërpërgjigje ndaj kësaj pafytyrësie të denoncuar nga JOQ Albania, Policia e Shtetit vendos që të shpallë në kërkim administratorët e medias sonë.

Video ishte vetëm një rast dhe u filmua nga qytetarët, po në sa raste të tjera mund të jetë abuzuar me ndihmat për banorët e prekur nga tërmetet? Denoncime të pafundme kanë mbërritur këto ditë në redaksi dhe të gjitha janë publikuar, të cilat i kanë nxjerrë pafytyrësitë shtetit dhe drejtuesve të tij.

Tentojnë t?i mbyllin gojën medias duke e censuruar dhe trembur me forma nga më të ulëtat.

Ky është një skandal i Ministrisë së Brendshme, ku Lleshi, i cili në vend që të monitorojë punën e vartësve të tij, tenton të sulmojë media që i nxjerrin skandalet dhe të palarat.

POR ASHTU SIÇ E KENI DËSHMUAR KËTO DITË DHE NË 9 VITE JETË, JOQ KA POPULLIN DHE KAQ I DUHET TË ECË PËRPARA PA IU FRIKËSUAR RILINDJES!?, shkruhet në faqen e JOQ./CNA.al