web counter
LEXO PA REKLAMA!

SHKARKO APP

App Store
Google Play

E fundit!

x

"28 Nëntori i Pavarësisë, në mes të fatkeqësisë"/ Kryemadhi: Bashkimi i shqiptarëve, forcë për të kaluar tragjedinë

28 Nëntor 2019, 15:23, Politikë CNA

Kryetarja e LSI-së Monika Kryemadhi në mesazhin e saj në këtë 107 vjetor të Shqipërisë, është shprehur se ky 28 nëntor na gjeti në mes të një fatkeqësie.

Sipas Kryemadhit, bashkimi i shqiptarëve dhe solidariteti i tyre sot më tepër se kurrë janë e vetmja forcë që na ndihmon të kalojmë këtë fatkeqësi të madhe.

“28 Nëntori i Pavarësisë na gjeti të gjithëve në mes të një fatkeqësie që s?do donim ta përjetonim kurrë. Megjithatë, viti i 107-të i Shqipërisë së pavarur na gjeti të bashkuar sërish si në 28 Nëntorin e 1912.

Ky 28 Nëntor na mëson se dashuria, solidariteti dhe mbështetja për njëri tjetrin, janë e vetmja forcë që na ndihmon të kalojmë këtë fatkeqësi të madhe.

Shqiptarët kudo që ata ndodhen, Kosovë, Maqedoninë e Veriut, Mal i Zi, Lugina e Preshevës, Diaspora kudo në botë, janë sot më të bashkuar se kurrë dhe më solidarë se kurrë për përballimin e kësaj fatkeqësie shumë të rëndë, dhe të gjithë dhanë e po japin provën se çfarë krenarie është të jesh shqiptar dhe çfarë krenarie është Flamuri Kuq e Zi.

Të lutemi për Shqipërinë dhe Flamurin tonë si dhe të besojmë te lutja jonë për kalimin sa më parë të kësaj tragjedie dhe kthimin sa më parë të qetësisë dhe paqes në shpirtin e çdo shqiptari”, është shprehur Kryemadhi./CNA.al





Lajmet e fundit nga