E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Situata pas tërmetit/ Ministria e Drejtësisë rrit gatishmërinë në burgje, zbulohen masat e marra

27 Nëntor 2019, 20:58, Politikë CNA

Tërmeti i fuqishëm që goditi Shqipërinë ditën e djeshme ka vënë në lëvizje të gjitha strukturat e shtetit. Në një deklaratë zyrtare Ministria e Drejtësisë ka bërë me dije se lëkundjet e forta kanë rritur gatishmërinë me 30 % edhe në burgje, ndërsa njoftohet se të gjithë t? burgosurit ndodhen në gjendje të mirë shëndetësore.

“Për shkak të situatës së krijuar si pasojë e lëkundjeve sizmike, Ministri i Drejtësisë ka ngritur shtabin e emergjencave me qëllim ndjekjen dhe përballimin e gjendjes aktuale në të gjithë IEVP-të e vendit.

Që në momentet e para, me urdhër të ministrit të Drejtësisë, është rritur gatishmëria në masën 30% të policisë së burgjeve dhe grupeve të shoqërimit, duke kaluar në ?Gadishmëri të përforcuar?, në Drejtorinë e Përgjithshme të Burgjeve dhe në 15 Institucionet e Ekzekutimit të Vendimeve Penale të cilat ndodhen në zonat e prekura nga fatkeqësia natyrore.

Ministrja Gjonaj, e shoqëruar nga shtabi i emergjencave gjatë këtyre orëve ka inspektuar nga afër të gjitha institucionet e ekzekutimit të vendimeve penale më të prekura nga lëkundjet sizmike, IEVP ?Lezhë?, ?Durrës?, ?Fushë-Krujë? dhe ?Jordan Misja?( burgu 313).

Nga vlerësimet e bëra deri më tani, pavarësisht gjendjes emocionale që ka shkaktuar paniku i lëkundjeve sizmike, gjendja shëndetësore te të dënuarit dhe paraburgosurit në të gjitha institucionet e ekzekutimit të vendimeve penale paraqitet e mirë dhe pa probleme. Përveç dëmeve materiale nuk ka pasur asnjë problematikë tjetër lidhur me jetën dhe shëndetin e të gjithë punonjësve por edhe të dënuarve si pasojë e lëkundjeve sizmike.

Ekipet e vlerësimit të Ministrisë së Drejtësisë të shoqëruar nga ekspertët e fushës, kanë kryer verifikimet në të gjitha godinat e IEVP-ve, të cilat kanë rezultuar në tërësi pa probleme serioze.

Problematike nga vlerësimi i kryer paraqitet vetëm për seksionin nr 2 të IEVP-së Lezhë, duke evidentuar mungesën e qëndrueshmërisë së kësaj godine.

Për këtë arsye, gjatë orëve të paradites së ditës së sotshme u vendos evakuimi i 119 të të dënuarve që qëndronin në këtë godinë duke i transferuar në IEVP-në Shkodër.

Nga Drejtoria e Përgjithshme e Burgjeve janë marrë masat maksimale të sigurisë për transferimin e të dënuarve dhe aktualisht ky proces ka përfunduar dhe të 119 të dënuarit të sigurisë së zakonshme janë sistemuar në IEVP-në Shkodër. Nga ana e Ministrisë së Drejtësisë janë marrë të gjitha masat për shtimin e punonjësve të policisë së burgjeve me qëllim funksionimin normal dhe garantimin e sigurisë.

Ministria e Drejtësisë së bashku me të gjitha strukturat e Drejtorisë së Përgjithshme të Burgjeve dhe të sigurisë është e angazhuar maksimalisht në marrjen e të gjitha masave për përballimin me sukses të kësaj situate si dhe duke mbajtur nën monitorim të vazhdueshëm të gjitha institucion”, shkruhet në deklaratë./CNA.al