E fundit!

09:03 Sociale

Epidemia e heshtur, një në dy shqiptarë ndërron jetë nga zemra

Në mënyrë sistematike në 15 vitet e fundit, çrregullimet e...

Marsida Xhaferllari kërkoi konfirmimin në detyrë/ KPA “rrëzon” anëtaren e Kushtetueses

27 Nëntor 2019, 20:31, Politikë CNA

Kolegji i Posaçëm i Apelimit ka vendosur sot të lërë në fuqi vendimin e Komisionit të Pavarur të Kualifikimit për Marsida Xhaferllarit.

KPK ka vendosur që për Marsida Xhaferllari të mos merret një vendim nëse duhet apo jo të konfirmohet në detyrë, pasi subjekti kishte humbur statusin e gjyqtares, për shkak se kishte shërbyer në Ministrinë e Drejtësisë jashtë afatit që parashikohet në ligj.

Xhaferllari e kundërshtoi këtë vendim dhe i kërkoi Kolegjit të Apelimit ta konfirmojë në detyrë.
Ndërkohë Kolegji sot vendosi të lërë në fuqi vendimin e KPK, duke e lënë Xhaferllarin pa Vetting.

Vendimi i sotëm e bën të paligjshëm mandatin e Xhaferllarit si anëtare e Gjykatës Kushtetuese pasi një nga kriteret që duhet të plotësojë kandidati dhe anëtari i Kushtetueses është kalimi me sukses i Vettingut.
Pas këtij vendimi mbetetë për tu parë lëvizja e Presidentit Ilir Meta e cili e emëroi si anëtarë të Gjykatës Kushtetuese.

VENDIMI I PLOTE I KOLEGJIT

Trupi gjykues i Kolegjit të Posaçëm të Apelimit, i përbërë nga Ardian Hajdari kryesues, Ina Rama relator, Natasha Mulaj, Rezarta Schuetz, Sokol Çomo anëtarë, shpalli vendimin për çështjen (JR) nr.29/2019, datë 30.05.2019, për ankimin e subjektit të rivlerësimit Marsida Xhaferllari, kundër vendimit nr. 115, datë 11.03.2019 të Komisionit të Pavarur të Kualifikimit. Në përfundim të gjykimit në dhomë këshillimi, trupi gjykues, bazuar në nenin 4 pika 6 e ligjit nr. 84/2016 ?Për rivlerësimin kalimtar të gjyqtarëve dhe prokurorëve në Republikën e Shqipërisë? dhe në nenet 451 germa ?b? e nenit 463 të Kodit të Procedurës Civile, me shumicë votash, vendosi: Pushimin e shqyrtimit të çështjes në Kolegjin e Posaçëm të Apelimit që i përket ankimit të subjektit të rivlerësimit Marsida Xhaferllari kundër vendimit nr. 115, datë 11.03.2019 të Komisionit të Pavarur të Kualifikimit, për shkak të tërheqjes së ankimit. Të deklarojë marrjen e formës së prerë të vendimit nr. 115 datë 11.03.2019 të Komisionit të Pavarur të Kualifikimit që i përket subjektit të rivlerësimit Marsida Xhaferllari. Ky vendim është përfundimtar dhe ka efekt të menjëhershëm. U shpall sot, në Tiranë, më datë 27.11.2019.