web counter
LEXO PA REKLAMA!

SHKARKO APP

App Store
Google Play

E fundit!

x

PD anulon ceremonitë për Ditën e Pavarësisë dhe Çlirimit/ "Është mirë t'iu gjendemi pranë banorëve"

27 Nëntor 2019, 18:04, Politikë CNA

Pas presidentit Meta edhe Partia Demokratike ka vendosur të anulojë të gjitha ceremonitë për Ditën e Pavarësisë dhe të Çlirimit me rastin e situatës së rënduar në të cilën ndodhet vendi pas tërmetit të djeshëm.

Përmes një njoftimi për mediat, duke shprehur nderimin për patriotët e shpalljes së pavarësisë dhe çlirimit të Shqipërisë, PD thekson se në këto momente të vështira është më mirë t?iu gjendemi pranë banorëve dhe familjeve të prekura nga tërmeti.

Njoftimi i Partisë Demokratike:

Të nderuar,

Në vijim të njoftimit të bërë për Kalendarin e Aktiviteteve dhe Axhendën e ceremonive përkujtomore të Ditës së Pavarësisë dhe Çlirimit më 28 Nëntor, ju njoftoj sa më poshtë:

Për shkak të gjendjes së krijuar nga tërmeti, vijimit të gjendjes së fatkeqësisë dhe operacioneve të kërkim-shpëtimit, si dhe për shkak se nesër zhvillohen ceremonitë mortore për disa prej viktimave të tragjedisë, në nderim të tyre dhe për të respektuar dhimbjen e familjarëve të viktimave, Partia Demokratike ka vendosur të anulojë homazhet e planifikuara per neser ne oren 9.00 dhe çdo ceremoni përkujtimore të planifikuar me rastin e Ditës së Pavarësisë dhe Çlirimit.

Nderimi më i madh për patriotët e shpalljes së pavarësisë dhe çlirimit të Shqipërisë, është që në këto momente të vështira për kombin shqiptar, t?u gjendemi afër banorëve dhe familjeve të prekura nga tërmeti.

Ju përshëndes!/CNA.al





Lajmet e fundit nga