web counter
LEXO PA REKLAMA!

SHKARKO APP

App Store
Google Play

E fundit!

x

Rama mbledhje të jashtëzakonshme me qeverinë/ Shpallet Ditë Zie Kombëtare

27 Nëntor 2019, 06:44, Politikë CNA

Kryeministri Edi Rama po zhvillon sot një mbledhje të jashtëzakonshme me kabinetin qeveritar, pas tërmetit tragjik të një ditë më parë, i cili la 24 të vdekur.

Gjatë fjalës së tij, ndërsa falenderoi të gjithë forcat e kërkim shpëtimit dhe partnerët ndërkombëtarë për ndihmën ndaj të prekurve nga tërmeti, Rama tha se sot qeveria do të miratojë edhe vendimin për të shpallur ditën e sotme si Ditë Zie Kombëtare.

Lëkundjet e forta sizmike me magnitudë 6.4 ballë u ndjenë në orën 03:54 të mëngjesit të së martës dhe prej atij momenti ka pasur pasgoditje të njëpasnjëshme.

Shumë persona vijojnë të jenë nën rrënoja, ndërsa policia, ushtria dhe strukturat e tjera të shtetit kanë kaluar në gatishmëri për të përballur këtë situatë të vështirë me të cilën vendi përballet.

Zonat më të prekura ishin Thumana dhe Durrësi, ndërsa momentet dramatike nuk munguan përgjatë gjithë ditës me familjarë të shpëtuar që prisnin të mësonin për fatin e të dashurve të zemrës të bllokuar nën rrënoja. Disa prej tyre dolën gjallë, të tjerë fatkeqësisht ndërruan jetë.





Lajmet e fundit nga