E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Mediat greke: Sot jemi të gjithë shqiptarë, në dhimbje nuk ka kufij

27 Nëntor 2019, 19:01, Politikë CNA

?Sot jemi të gjithë shqiptarë sepse në dhimbje nuk ka kufij?, kështu e nis shkrimin kushtuar Shqipërisë një nga mediat greke.

Greqia është solidarizuar me vendin tonë pas tragjedisë të madhe që la pas tërmeti i mëngjesitë të djeshëm.

Të gjitha mediat greke kanë shkruar artikuj lidhur me situatën e rëndë që po kalon vendi jonë.
Mediat e vendit fqinj kanë kujtuar vuajtjet e shqiptarëve në Greqi, duke vlerësuar sakrificën punën dhe jetën e vështirë të këtij populli që nuk u gjunjëzua kurrë pavarësisht rasteve të racismit, vështirësive, vuajtjeve për dokumenta e çdo gjë tjetër që kanë kaluar.

Gazetari grek Lefteris Charalampopoulos shkruan se kjo që i ndodhi Shqipërisë mund të ndodhë në shtëpinë ngjitur. Po ashtu ai shprehet se grekët u kanë shumë borxhe shqiptarëve dhe nuk duhet të bëjnë sikur i kanë harruar.

“Shqipëria është fqinji ynë dhe njerëzit e saj janë të lidhur nga historianët. Dhe këto lidhje u bënë edhe më të forta pasi qindra mijëra shqiptarë erdhën në vendin tonë në kërkim të një të ardhme më të mirë. Ata punuan shumë, shpesh në kushte të mjerueshme, u përballën me një mori problemesh që nga problemet burokratike dhe punëdhënësit cinikë për të kapërcyer racizmin, por ata ia dolën. I kemi borxh atyre shumë, edhe nëse ndonjëherë bëjmë sikur duam ta harrojmë. Shqipëria tani ka nevojë për ne. Po përballet me një katastrofë të madhe. Numëron viktima dhe dëme. E gjithë ndihma dhe mbështetja është e nevojshme. Ne duhet ta japim atë. Qeveria Greke dhe shërbimet publike gjithashtu janë mobilizuar në këtë drejtim. Shoqëria civile duhet të bëjë edhe më shumë”, shkruan gazetari.

Mes të tjerash media e vendit fqinj bën thirrje të lihet pas racizimin dhe veset e tjera të dëmshme pasi Shqipëria ka nevoje më shumë se kurrë për ndihmë.

?Populli shqiptar tani ka nevojë më shumë se kurrë, për ndihmë, shumë mire bëri qeveria, por të sensibilizohet më shumë shoqëria greke, të lemë racizmin e veset e tjera të demshme. Jemi vëllezër, na lidh historia me shqiptarët, plaga e 90-ës është akoma e njomë, tani ata ndodhen në një tjetër fatkeqësi. Solidariteti asnjëherë nuk shkon i humbur? thuhet në artikullin e portalit grek kushtuar Shqipërisë.

Bëhet me dije se qeveria greke pritet të sjellë ndihma për shqiptarët e prekur nga tërmeti katastrofal ndërkohë që tifozët e PAOK kanë hapur stadiumin për të mbledhur ndihma që do të shkojnë për banorët e prekur nga tragjedia natyrore./CNA.al

Greqia në krah të shqiptarëve/ Mbërrin ekipi i emergjencave greke

Tërmeti që shëmbi kufijtë

Foto/ Forcat greke dhe serbe, vijojnë punën për shpëtimin e njerëzve që janë ende nën rrënoja

https://sport.cna.al/2019/11/27/paok-u-fillon-te-mbledhe-ndihma-per-shqiptaret-hapet-stadiumi-i-madh-i-selanikut/