Shpallja e gjendjes së jashtëzakonshme/ Qeveria “harron” Lezhën

29 Nëntor 2019, 13:34, Politikë CNA

Nënkryetari i LSI-së, Luan Rama ka reaguar pasi kryeministri Edi Rama, sot në mbledhjen e qeverisë tha se është vendosur të shpallet gjendja e jashtëzakonshme edhe në Laç, duke e cilësuar si të drejtë shqetësimin e kreut të PD-së, Lulzim Basha.

Në një postim në rrjetet sociale, Luan Rama bën thirrje që në perimetrin e gjendjes së jashtëzakonshme të përfshihet edhe Lezha, e cila sipas tij është ?harruar? nga qeveria.

?Qeveria korrigjon vendimin: përfshin Laçin në perimetrin e gjendjes së fatkeqësisë natyrore, por ?harron? Lezhën me rreth 250 shtëpi të dëmtuara!

Qeveria duhet ta rishohë e ta rikonceptojë sërish vendimin e vet për shpalljen e gjendjes së fatkeqësisë natyrore siç bëri sot, duke përfshirë në perimetrin e përgjegjësisë shtetërore sipas ligjit për emergjencat civile bashkë me qarkun e Durrësit dhe të Tiranës, edhe Laçin ose më saktë bashkinë e Kurbinit.?-shkruan Luan Rama.

Më tej, ai thekson se në Lezhë rezultojnë të dëmtuara rreth 250 shtëpi.

?Por, nëse kryeministri apo ata që e informojnë në qeverinë e tij nuk e dinë, po e informoj unë publikisht se dëme të rënda tërmeti i 26 nëntorit ka shkaktuar edhe në bashkinë e Lezhës, ku sipas verifikimeve të bëra nga autoritetet zyrtare rezultojnë të dëmtuara rreth 250 shtëpi.

Prandaj, duhet përfshirë edhe Lezha në perimetrin e gjendjes së fatkeqësisë natyrore.

Këtë e imponon ligji dhe përfshirja ose jo në vendimin e qeverisë për shpalljen e gjendjes së fatkeqësisë natyrore nuk është ?dhuratë? që bën kryeministri, por shfaqje dhe marrje përgjegjësie nga ana e shtetit për të gjithë të dëmtuarit nga një fatkeqësi natyrore siç është edhe tërmeti.

Pra zoti kryeministër, meqë e përfshitë edhe Laçin në perimetrin e gjendjes së fatkeqësisë natyrore, pasi siç e thatë ju vetë dëgjuat zërin e kryetarit të PD-së Lulzim Basha, mos e harroni edhe Lezhën me rreth 250 shtëpi dhe objekte të dëmtuara dhe përfshijeni edhe atë, sepse edhe të dëmtuarit nga tërmeti në bashkinë e Lezhës janë në nevojë e shteti duhet t?i ndihmojë edhe ata, njësoj si të dëmtuarit në qarkun e Durrësit, të Tiranës dhe të Laçit!?- thekson nënkryetari i LSI./ CNA.al