web counter
LEXO PA REKLAMA!

SHKARKO APP

App Store
Google Play

"Nënvleftësimi i tërmetit të shtatorit dhe kërkesave të Metës, përgjegjësi penale"/ Vasili akuza qeverisë

29 Nëntor 2019, 21:04, Politikë CNA

4 ditë pas goditjes së rëndë të tërmetit të 26 nëntorit, dëmet e mëdha sidomos në njerëz ngrenë pyetjen se: E kujt është përgjegjësia? Duke qenë se vendi vinte nga 2 tërmete të tjera të mëdha, ai i korrikut dhe i shtatorit, pse nuk u morën masa më herët që banesat e vlerësuara si të pabanueshme të qëndronin të tilla?

Pikërisht referuar çështjes së përgjegjësisë, nënkryetari i LSI Petrit Vasili ka reaguar përmes një statusi në rrjetet sociale, duke e cilësuar ?nënvleftësimin e tërmetit të 21 shtatorit dhe kërkesën e Metës për vlerësimin teknik të godinave të dëmtuara si përgjegjësi e rëndë penale?.

Ndërsa i kërkon prokurorisë të nis hetimet, sipas Vasilit, nëse qeveria do të merrte masa pas tërmetit të 21 shtatorit shumë jetë njerëzish do të ishin kursyer.

?Nenvleftesimi i termetit te 21 shtatorit dhe kerkesave te Presidentit, pergjegjesi e rende penale!!

Pas termetit te 21 shtatorit Presidenti i Republikes z.Ilir Meta pikerisht ne 23 shtator kerkoi nga Qeveria shume qarte si me poshte qe te kryheshin menjehere keto detyra:

“Në veçanti, vlerësimi teknik i banesave, pallateve dhe godinave të dëmtuara është tepër i domosdoshëm për të ardhmen?.

?Ndaj duke vlerësuar dhe solidaritetin e vendeve partnere dhe Bashkimit Europian, Presidenti Meta i kërkon qeverisë të ftojë zyrtarisht edhe Agjencinë Ndërkombëtare të Energjisë Atomike, që ka kapacitetet e duhura për të përcaktuar sigurinë dhe rezistencën e banesave, pallateve dhe godinave të dëmtuara nga kjo fatkeqësi natyrore?.

Ne se do te kryhej me rigorozitet vleresimi teknik i banesave dhe do te merreshin masa urgjente dhe intensive pas termetit prej 5.8 te shkalles Rihter te 21 shtatorit mjaft jete njerezish do te ishin kursyer.

Prokuroria duhet te hetoje veprimet dhe masat qe nuk u moren pas 21 shtatorit?, shkruan Vasili./CNA.al





Lajmet e fundit nga