web counter
LEXO PA REKLAMA!

SHKARKO APP

App Store
Google Play

E fundit!

x

Tërmeti i fuqishëm dëmton edhe kalatë/ Ministria e Kulturës thirrje qytetarëve

29 Nëntor 2019, 16:06, Politikë CNA

Tërmeti i mëngjesit të 26 nëntorit veç dëmeve të mëdha në njerëz dhe objekte banimi ka shkaktuar dëmtime të mëdha edhe përsa iu përket objekteve të kulturës.

Për të verifikuar nga afër gjendjen e këtyre objekteve, përfaqësues të Ministrisë së Kulturës, të pranishëm në Krujë ditën e sotme, kanë parë dëmet në kalanë e këtij qyteti. Pas verifikimeve përmes një njoftimi zyrtar, Ministria e Kulturës bën me dije se Kalaja e Krujës dhe ajo e Prezës kanë pësuar dëme serioze që mund të përbëjnë rrezik për jetët e njerëzve.

Ministria iu ka bërë thirrje qytetarëve të shmangin hyrjet në këto objekte, ndërsa shtoi se nëse thyhet ky udhëzim, atëherë nuk do të mbahet asnjë përgjegjësi. Një thirrje e tillë bëhet, pasi sipas ministrisë pavarësisht vendosjes së shiritave në këto dy objekte, janë vënë re qytetarë duke vizituar  Kalanë e Krujës pa u shqetësuar.

?Ministria e Kulturës dhe Drejtoria e Kulturës Kombëtare Tiranë lajmëron se tërmeti i 26 Nëntorit ka shkaktuar dëme të rënda  në monumentet e kulturës së zonës, sidomos në Kalanë e Prezës dhe  të Krujës. Hyrja në këto Kala është rreptësisht e ndaluar në rradhë të parë për të garantuar jetën tuaj dhe për të mos dëmtuar më shumë monumentet. Ministria e Kulturës dhe Drejtoria e Kulturës Kombëtare Tiranë, nuk janë përgjegjëse për çdo pasojë nga thyerja e këtij udhëzimi. Ruajeni jetën tuaj. Ju falenderojmë për mirëkuptimin?, thuhet në reagimin e Ministrisë së Kulturës./CNA.al





Lajmet e fundit nga