web counter
LEXO PA REKLAMA!

SHKARKO APP

App Store
Google Play

Tregimi perlë i Petro Markos për tërmetet

29 Nëntor 2019, 20:45, Politikë CNA

Tronditja psikologjike e njerzëve pas tërmetit të 26 nëntorit është tepër e madhe. E me këtë rast, për t?ua tërhequr pak vëmendjen njerzëve po u përcjellim një tregim të Petro Markos me tërmet:

?Me këtë rast dua të bëj një parantezë për karakterin e fshatarëve të mi: para një viti kishte rënë tërmet. Shkaktoi dëme të mëdha, madje edhe të vdekur.

Kryqi i Kuq Ndërkombëtar dhe shtetet fqinje dërguan ndihma të mëdha.

Vodhi qeveria, vodhën autoritetet e fshatit, po mbeti dhe për fshatarët.

U nda miell e sheqer, makarona e kuti mishi, voza me sardele, tesha, mbulesa dhe para.

Neve, për një të çarë të murit, na dhanë dyzet napolona. Kështu që fshati i madh, pasi ra në bollëk, harroi të vdekurit dhe me atë bollëk kërciste vera e rakia, byrekët, shqerrat e kecërit e pjekur!

Hanin, pinin e këndonin si në dasma.

Mirëpo për pak muaj i mbaruan dhe nisën të qanin të vdekurit?

Dhe ngjau shakaja më e madhe e atyre viteve: Prifti Parthemo, që ishte dhe shakaxhi, pasi bënte meshën një të diel në kishën e madhe të Shën Spiridonit, doli me kryqin e madh aty në mes të dyerve të ajodhimës dhe bërtiti:

? Gjunjëzohuni!

Të gjithë u llahtarisën dhe u gjunjëzuan.

? Tani, ? thirri ai, ? lutuni të na vijë tërmeti tjetër, se i mbaruam!

Po tërmeti tjetër nuk erdhi. Erdhi përsëri lufta për bukën e gojës.? shkruan  Petro Marko,në botimin  ?Intervistë me vetveten: Retë dhe gurët?, fq. 90-91./CNA.al





Lajmet e fundit nga