web counter
LEXO PA REKLAMA!

SHKARKO APP

App Store
Google Play

“Tragjedia e tërmetit, test i kaluar”/ Nano: Dhimbja u kthye në një spektakël të bukur solidariteti

29 Nëntor 2019, 21:18, Politikë CNA

?Tragjedia e provokuar nga tërmeti, test i kaluar?, kështu është shprehur analisti dhe gazetari Mustafa Nano në monologun e tij në  ?Provokacija?.

Ndërsa pyet se çfarë u pa nga ky tërmet, përveç tragjedisë së madhe të paharrueshme, Nano vijon duke thënë se ndihmat e dhëna në këtë situatë të vështirë e kthyen dhimbjen në një shfaqe të bukur solidariteti.

?As vjedhje dhe vrasje nuk ka pasur gjatë tre ditëve të fundit, shenjë edhe gangot dhe banditët u kapën prej skrupujsh, u dorëzuan para dhembjes dhe solidaritetit kombëtar?, deklaron ndër të tjera analisti.

?Tragjedia e provokuar nga tërmeti duket se erdhi për të na vënë në provë, për të na testuar dhe duket se në njëfarë kuptimi ne e kemi kaluar këtë test dhe shenjë për këtë kanë qenë këto ditë të dhembjes dhe hutimit që u bënë edhe ditë të spektaklit të bukur të solidariteti.

As vjedhje dhe vrasje nuk ka pasur gjatë tre ditëve të fundit, shenjë edhe gangot dhe banditët u kapën prej skrupujsh, u dorëzuan para dhembjes dhe solidaritetit kombëtar.

Pati edhe njerëz në rrjetet sociale, atje ku mund të flitet duke e mbajtur fytyrën të fshehur, pati edhe njerëz që nxorën mllef dhe vrerë, që mbollën panik që edhe këto ditë e patën mendjen te lojrat politike apo fetare apo ku di unë se çfarë.

Pati edhe njerëz që e patën mendjen te shfaqjet dhe pozat para kamerës që vullnetarizmin e shëndërruan në një garë. Që me të bërë një donacion nxitonin t?ja bënin me dije botës.

Pati edhe politikanë që nuk duruan dhe iu kthyen zanatit të vjetër, kacafytjes, gjuhës së urrejtjes.

Pati pra edhe të tillë, por në sy ra më së shumti solidariteti, ishte prekës po a sa edhe vetë tragjedia. Duhet shpresuar që kjo tragjedi të na ketë bërë më të mirë. Ky ishte monolog im për sonte?, shprehet Nano/ CNA.al





Lajmet e fundit nga