web counter
LEXO PA REKLAMA!

SHKARKO APP

App Store
Google Play

"KQZ dominohet politikisht"/ Topi tregon pse do të kërkonte referendumin

23 Nëntor 2019, 19:10, Politikë CNA

Ish presidenti Bamir Topi gjatë diskutimit për krizën politike në vend dhe ngërçin në Kushtetuese ka mbajtur një qëndrim edhe përsa i përket idesë së kreut të shtetit Meta për referendum.

Teksa e cilëson si të drejtë vendimin e  Presidentit Meta për referendumin, Topi është shprehur se se: ?çështja është a ka kulturë dhe vullnet politikë, që do ta marrë në konsideratë referendumin?.

Sipas ish presidentit, KQZ-ja dominohet politikisht, ndërsa politika amatoreske në përgjithësi nuk synon mirëqënien e qytetarëve, por dobësimin e institucioneve.

?Besoj që referendumi në parim është një nga elementët më pozitiv të demokracisë. Meta kishte të drejtë kur iu referohej referendumeve që ka bërë Zvicra, për çështje fare të vogla. Problemi është se vërtet referendumi është element shumë i rëndësishëm, por a ka kulturë dhe vullnet politikë, që do ta marrë në konsideratë. U morën 50 mijë firma, se nuk është e vështirë, por në ç?filtra do kalojë, a do ketë vullnet politik. KQZ dominohet politikisht. Ka një politikë jashtëzakonisht të dobët, ka një politikë amatoreske, dhe që në vetvete sheh qëllime të tjera, që nuk janë për t?i dhënë shoqërisë, qetësi për të forcuar institucionet, por për t?i dobësuar ato?, është shprehur Topi.

I pyetur se për çfarë do ta kërkonte referendumin, Topi përgjigjet:

?Sistemin politik. Është i deformuar për qëllime jashtëzakonisht okulte. Këto qëllime janë rritur, në një moment që Shqipëria po ecte shumë mirë. Presidenti sot nuk ka asnjë mjet presioni ndaj Parlamentit. Në Kushtetutën e parë Presidenti kishte të drejtë ta shpërndante Parlamentin, sot nuk ka instrument presioni. Prandaj, mazhorancat politike, qoftë e kaluara që lulëzoi në 2005-2013, qoftë kjo, ndjehen të fuqishëm shumë.?/CNA.al





Lajmet e fundit nga