web counter
LEXO PA REKLAMA!

SHKARKO APP

App Store
Google Play

"Të angazhuar për miratimin e reformës zgjedhore"/ Basha takim me kryetaren e CDU

23 Nëntor 2019, 16:30, Politikë CNA

Keru i Partisë Demokratike Lulzim Basha ka zhvilluar një takim me kryetaren e CDU/ CSU Annegret Kramp-Karrenbauer.

Lajmin e ka bërë me dije vetë kreu i demokratëve, ku përmes një postimi në rrjetet sociale thekson angazhimin e plotë të PD-së për të përmbushur të gjithë hapat e përcaktuar në vendimin e Bundestagut, duke nisur me miratimin e Reformës Zgjedhore.

?Me kryetaren e CDU-së, Annegret Kramp-Karrenbauer, njëherësh Ministre e Mbrojtes e Gjermanisë pata kënaqësinë të bashkëbisedoja mbi intensifikimin e bashkëpunimit mes Shqipërisë dhe Gjermanisë. I shpreha mirënjohjen për mbështetjen që CDU i jep Shqipërisë për hapjen e negociatave me BE. Partia Demokratike do të angazhohet për të përmbushur të gjithë hapat e përcaktuar në vendimin e Bundestagut, duke nisur me miratimin e reformës zgjedhore që i hap rrugë zgjedhjeve të lira dhe të ndershme.

E falenderova kryetaren e kristiandemokratëve gjermanë për ndihmën dhe përkrahjen e CDU me ekspertët e saj më të mirë për planin tonë ekonomik, zbatimi i të cilit do të ndihmojë për nxjerrjen e vendit nga kriza duke hapur vende pune me paga dinjitoze në veçanti për të rinjtë.

Sapo PD-se ti besohet qeverisja e vendit, me ndihmën e CDU dhe kryetares Annegret Kramp Karrenbauer do të vëmë në jetë një plan strategjik kombëtar për investimet gjermane dhe të huaja me potencial të madh për zhvillim dhe për të hapur mijëra vende pune.

Përparësia jonë është që të rinjtë shqiptarë të kenë të gjitha mundësitë dhe të zgjedhin të ndërtojnë te ardhmen në Shqipëri?, shkruan Basha./CNA.al





Lajmet e fundit nga