web counter
LEXO PA REKLAMA!

SHKARKO APP

App Store
Google Play

E fundit!

x

Luli lë Metën të vetëm në betejë

23 Nëntor 2019, 10:10, Politikë CNA

Kryetari i Republikës së re, Lulzim Basha ka zgjedhur heshtjen, në betejën e fortë të presidentit me qeverinë dhe ndërkombëtarët.

Ilir Meta ka qënë i qartë dhe i drejtpërdrejtë, kërkon ndryshimin e Kushtetutës, një shtet të drejtë, pa ndërhyrjen e ndërkombëtarëve, pa interpretime dhe për më tepër e ka quajtur të tradhëtuar referendumin e 98-ës dhe në të gjitha rastet është përpjekur që të sulmojë ndërkombëtarët.

Pas Ilirm Metës shkon LSI-ja. Zyrtarët e saj shpesh flasin.

Petrit Vasili, të cilit i është hequr edhe viza nga SHBA, apo Luan Rama e të tjerë nuk ngurojnë të vërsulen kundër ndërkombëtarëve dhe jo kundër Edi Ramës, që po kap drejtësinë.

Por, argumenti është se Rama po përdor të huajt që të kapë Gjykatën Kushtetuese, për të cilën ka një hall të madh Ilir Meta.

Është kjo gjykatë e cila do të ketë në dorë vendimin final për zgjedhjet e 30 qershorit, apo shkarkimin e tij nga detyra e presidentit të Republikës. Pa shkuar më tej në disa çështje të tjera shumë delikate apo ligje të qeverisë shqiptare.

Lulzim Basha ende nuk ka folur. Partia Demokratike është përpjekur të jetë racionale. Bujar Nishani, Çlirim Gjata dhe ndonjë zyrtar tjetër kalojnë ndonjë fjali, dalin nëpër studio televizve dhe thonë se presidenti është në të drejtën e tij dhe merren me teknikalitete në lidhje me emërimin e X apo Y anëtari të Gjykatës Kushtetuese, procedurën e ndjekur, gabimet e bëra në KED, skandalet, përdorimet apo keqpërdorimet, ndërhyrjet apo jo dhe deri në fund tek dekretet e presidentit Meta.

Lulzim Basha vetë dhe të tijët në asnjë rast nuk kanë folur dhe nuk kanë komentuar qëndrimet e Ilir Metës dhe përplasjet e tij me amerikanët dhe ndërkombëtarët.

I vetmi që mbajti një qëndrim thuajse publik ishte kreu i Këshillit Kombëtar të PD-së, Bujar Nishani, i cili në një dalej të tij në emisionin ?Opinion? tha se nuk komentonte debatet mes tyre, sepse ishte një palë e tretë.

Në PD duket se të gjithë i kanë ?larë duart?.

Nga njëra anë ?fërkojnë barkun? duke parë sesi Ilir Meta përplaset me ndërkombëtrët, për atë që Ilir Meta ka kërkuar në çadër. Po, është pikërisht një artikulim i bërë nga kreu i Republikës së re më shumë se dy vite më parë.

Gjatë kohës që ai u ngujua në çadër, Lulzim Basha kërkoi shembjen në themel të sistemit të vjetër. Kërkoi një Republikë të re e cila do duhej të fillonte me Kushtetutën, me votën e lirë dhe me gjithçka tjetër.

Thuajse në të njëjtën linjë, por me një artikulim më të fortë dhe prej një ustai të vjetër politik, është Ilir Meta, i cili sot është i ashpër dhe kërkon ndryshimin e Kushtetutës. Sulmon edhe ndërkombëtarët,  të njëjtën gjë që bënte Luli dy vite e gjysëm më parë. Por, nuk ka ndonjë diferencë të madhe. E vetmi ndryshim është se në atë kohë heshte Ilir Meta dhe nuk i kthente përgjigje Lulit, kurse tani hesht Luli dhe nuk i del në krah Ilir Metës./ CNA.al

Përplasja e Metës me ndërkombëtarët/ Basha ?kyç? gojën





Lajmet e fundit nga