web counter
LEXO PA REKLAMA!

SHKARKO APP

App Store
Google Play

Byroja e Hetimit drejt ngritjes/ SHBA vë në depozicion 5 “makina të së vërtetës”

22 Nëntor 2019, 18:31, Politikë CNA

Ambasada e Shteteve të Bashkuara të Amerikës i ka dhuruar Shqipërisë 5 pajisje poligraf, e njohur masivisht si ?makina e së vërtetës?, që do të përdoren për kontrollin e sinqeritetit të personave që do të aplikojnë për të qenë pjesë e Byrosë Kombëtare të Hetimit (BKH).

Në njoftimin e shpërndarë në faqen e saj, Ambasada thekson se paisjet do të përdoren nga poligrafë të trajnuar nga Shtetet e Bashkuara, ndërsa programi do të zgjasë për një periudhë 10 javore.

?Këtë javë, Byroja Kombëtare e Hetimit (BKH) hodhi një tjetër hap përpara drejt ngritjes së saj me dhurimin e pesë paketave të kontrollit poligraf nga qeveria e Shteteve të Bashkuara për Ministrinë e Brendshme.

Pajisjet do të përdoren nga poligrafë të trajnuar nga Shtetet e Bashkuara, të cilët do të kryejnë testimet e aplikantëve për Byronë Kombëtare të Hetimit, për të ndihmuar në ruajtjen e standardeve më të larta të integritetit.

Dhurimi dhe certifikimi i poligrafëve është pjesë e një program dhjetë javor, financuar nga Byroja e Departamentit të Shtetit për Çështjet Ndërkombëtare të Zbatimit të Ligjit dhe Luftës ndaj Drogës nëpërmjet Programit Ndërkombëtar të Ndihmës për Trajnime në Hetimet Penale (ICITAP).

Drejtori i Përgjithshëm dhe ekipi menaxhues i Shërbimit të Çështjeve të Brendshme dhe Ankesave (SIAC) ? organizata që do të punësojë shqyrtuesit e poligrafeve ? iu bashkuar drejtuesit të programit ICITAP dhe drejtueses?, thuhet në njoftimin e plotë./CNA.al





Lajmet e fundit nga