web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron Spartak Ngjela/ Ja kush është shkelja e rëndë që e kërcënon presidentin Meta

22 Nëntor 2019, 18:49, Politikë CNA

Departamenti Amerikan i Shtetit i është përgjigjur pasditën e sotme gjuhës së ashpër të presidentit Meta, i cili, më herët, në një deklaratë për mediat, ishte shprehur duke thënë ?Jo më shtet të ambasadave, por shtet të së drejtës?.

DASH tha se ?është në dijeni? të komenteve të Presidentit ndaj Ambasadës së Shteteve të Bashkuara dhe diplomatëve amerikanë dhe se ?është duke e vëzhguar situatën?.

Lidhur me këto deklarata ka reaguar dhe avokati Spartak Ngjela, i cili, përmes një postimi në rrjetet sociale, shprehet se DASH ia bëri të qartë Metës se ai është antireformë.

Duke vijuar më tej, me tone kritike, Ngjela shprehet se ?Presdent më të paturpshëm se ky, nuk do t’i vijë më Shqipërisë?

?Sot, Departamenti Amerikan i Shtetit iu përgjigj me elokuencë Metës duke i thënë:
Ti, zoti Meta, je antireformë. Por reforma do të vijojë se është jetike për Shqipërinë.
Ky është thelbi i përgjigjes. Ndërsa, për atë të shtetit të ambasadorëve në vend të shtetit të së drejtës, që tha Meta dje, DASH i tha se, “kryesor është zbatimi i ligjit”.

President më të paturpshëm se ky, nuk do t’i vijë më Shqipërisë. Edhe Sali Berisha e humbi toruan në luftën e tij me Uashingtonin në vitin 1997, por, të gjitha absurditetet nuk i tha botërisht si president, por në telefon me ta.

Kurse Metën e kërcënon edhe penaliteti për shkelje të mëdha të ligjit, prandaj e ka kaq të madhe shthurjen mendore. Edhe DASH, kështu i thotë: “kryesorja është respektimi i ligjit”.
Nuk ndalohet dot kjo reformë, kot lodhet Meta. Dhe DASH njofton gjithashtu se Byroja Kombëtare e Hetimit është duke u ngritur.
Po Meta?
Tani do të kthejë… duke pritur fatin e tij drejt hetimit: kjo duhet të jetë rruga e tij. Të shohim...?/CNA.al

 

 





Lajmet e fundit nga