web counter
LEXO PA REKLAMA!

SHKARKO APP

App Store
Google Play

"Përballjet e ashpra të Metës për faj të opozitës"/ Topi akuza Bashës: Bën politikë rurale

23 Nëntor 2019, 17:41, Politikë CNA

Për ish presidentin Bamir Topi, vizibiliteti i theksuar i Metës dhe kthimi i tij në faktor përsa i përket debateve të fundit për Gjykatën Kushtetuese, vjen si pasojë e tërheqjes së Ramës, por edhe kreut të opozitës joparlamentare Lulzim Basha.

Në një intervistë për ?Kjo Javë?, ish presidenti nuk i ka kursyer akuzat ndaj opozitës, duke ua faturuar këtyre të fundit përgjegjësinë për përballjet e ashpra të Metës. Sipas Topit, Basha po i largohet thelbit të politikës me ngërçin për Kushtetuesen në kryeqytet, duke bërë politik rurale me takimet me bizneset.

“Kemi një përgjegjësi në tentativë, nuk shoh asnjë lloj prononcimi për të ndryshuar situatën, sepse situata ndryshon me Kodin Zgjedhor.

Fakti që ai (Rama) nuk flet dhe kryetari i opozitës nuk merret fare me këtë problem, është çështje e një taktike, por askënd nuk bind braktisja e kryeqytetit. Basha bën një politikë rurale shkon dhe bën takime me një grup të vogël personash, me biznesin, në zona rurale kur thelbi i politikës është në kryeqytet. Kryeqyteti është në konotacionin politik të diskutimeve të mëdha. Këtu lihet kryeqyteti, shkohet në qytete të vogla dhe diskutohen gjëra të tjera.

Nuk po them që ato nuk janë problem, sigurisht që ka probleme të mëdha në lidhje me fermerët dhe bizneset, por janë pikërisht ato pika që e bëjnë presidentin Meta të jetë i dukshëm. Ai bën opozitën për parimet kushtetuese të asaj që mbulon?, ka thënë ndër të tjera ish presidenti Topi./CNA.al





Lajmet e fundit nga