web counter
LEXO PA REKLAMA!

SHKARKO APP

App Store
Google Play

E fundit!

x

"Rama i tërhequr..."/ Ish presidenti Topi tregon përgjegjësitë e kryeministrit

23 Nëntor 2019, 18:02, Politikë CNA

Formimi i Gjykatës  Kushtetuese prej ditësh është kthyer në sheshbëtejën e radhës midis mazhorancës dhe Presidencës. Në një intervistë për ?Kjo Javë?, ish presidenti Bamir Topi, teksa komentonte zhvillimet e fundit nuk ka kursyer akuzat ndaj kryeministrit Rama.

Ndërsa është shprehur se Rama është i tërhequr, me një komunikim totalisht të munguar në ngjarjet përvëluese, duke ia lënë stafetën numrit dy të socialistëve, Taulant Ballës, Topi e cilëson kreun e qeverisë përgjegjës për shkatërrimin e bazave të Kushtetutës dhe implementimin e gabuar të Reformës në Drejtësi.

?Unë shikoj sot dalje, ndoshta inflacioniste, të Presidentit, shoh një komunikim totalisht të munguar të kryeministrit, ai tërhiqet në ngjarjet përvëluese. Unë e shoh Ramën me dy përgjegjësi të mëdha për të kaluarën, e para është shkatërrimi i bazave të Kushtetutës, që e kthyen Shqipërinë në një republikë në dorë të kryeministrit.

Përgjegjësia e dytë është politike, sepse kujt më shumë se kryetarit të mazhorancës i jepet e drejta për të implementuar një reformë dhe më e rëndësishmja është ajo në drejtësi. Falë implementimit të saj të gabuar sot institucionet nuk funksionojnë.

Kemi një përgjegjësi në tentativë, nuk shoh asnjë lloj prononcimi për të ndryshuar situatën, sepse situata ndryshon me Kodin Zgjedhor?, është shprehur ndër të tjera Topi./CNA.al





Lajmet e fundit nga