web counter
LEXO PA REKLAMA!

SHKARKO APP

App Store
Google Play

E fundit!

x

Çfarë fshihet pas hapjes së negociatave me kushte?/ Krasniqi sjell lajmet e mira për shqiptarët

24 Shtator 2019, 16:58, Politikë CNA

Kërkesat e reja të vendosura nga Bundestagu si kusht në këmbim të çeljes së negociatave të aderimit të Shqipërisë në Bashkimin Europian, kanë qenë një tjetër pikë e analizës që politologu Afrim Krasniqi ka bërë në studion e “Ditarit” në televizionit “A2 CNN”, ku ka qenë i ftuar

?Kam përshtypjen që është një vendim gjeo-politik, i cili i ka injoruar zhvillimet politike në Shqipëri. Ky është një lajm i mirë për shqiptarët, pasi na hapen negociatat dhe politikanët do të jenë dyfish të monitoruar. Duhet të presim vendimin përfundimtar, i cili sipas meje, mund të na kufizojë vetëm në dy kapituj, me kapitujt kryesorë që kanë të bëjnë me shtetin e së drejtës. Nëse ka kushtëzim në këtë pikë, sërish do të jetë lajm i mirë për shqiptarët pasi do t?i detyrojë të vihen në presion ndërkombëtar. Sa i përket vendeve skeptike, më shumë janë debate diplomatike sesa janë parakushte për Shqipërinë. Në dijeninë time, ka një vendimmarrje të nivelit të lartë dhe debati ka qenë i tillë: nuk po ju vlerësojmë si Shqipëri, kështu që mos bëni lobim, por do të merret një vendim në nivelin e lartë. Siç duket përgjigja do të jetë “Po”, por? Duhet të kemi parasysh që kur themi se qeveri të caktuara kanë shprehur rezerva, ne nuk duhet t?i shohim në mënyrë armiqësore ato qëndrime. Kur ne e themi që të gjithë politikanët tanë janë të korruptuar, kur na e thotë Berlini apo Parisi, pse duhet të habitemi?, ka konstatuar Afrim Krasniqi./ CNA.al





Lajmet e fundit nga