web counter
LEXO PA REKLAMA!

SHKARKO APP

App Store
Google Play

Vendimi për Saimir Tahirin/ Flet ambasadori italian: Drejtësia në Shqipëri po bën një hap para

24 Shtator 2019, 15:24, Politikë CNA

Ambasadori italian, Alberto Cutilio, ka komentuar vendimin e dhënë për ish ministrin e Brendshëm, Saimir Tahiri, i dënuar për shpërdorim detyre.

Duke folur për ?Panorama?, ai u shpreh se vendimi për ish-ministrin, ?mund të përbëjë një hap përpara në afirmimin e një drejtësie, që nuk ndalet përballë ?të paprekshmëve?.
?Sot janë sjellë në vëmendjen e publikut disa raste, në të cilat politikanë dhe funksionarë duket se janë përfshirë në shkelje të rënda të ligjit, por këto raste nuk gjejnë zgjidhje për shkak të mungesës së efikasitetit të sistemit gjyqësor.

Vendimi i shpallur së fundmi ndaj ish-ministrit Tahiri, në lidhje me të cilin sigurisht që nuk do të shprehem, mund të përbëjë një hap përpara në afirmimin e një drejtësie, që nuk ndalet përballë ?të paprekshmëve?.

Kjo situatë, e cila dëmton edhe personat e akuzuar në mënyrë të padrejtë, që nuk arrijnë të përftojnë njohjen e pafajësisë së tyre, konfirmon nevojën për të përparuar me shpejtësi me reformën e thellë të drejtësisë, që ka nisur tre vjet më parë dhe kjo është e mundur vetëm nëse mbështetet nga të gjitha partitë politike dhe nga shoqëria civile?, është shprehur ambasadori italian./CNA.al





Lajmet e fundit nga