E fundit!

18:59 Editorial

Mulizimi apo Molëzimi i PD-së?!

Në mbledhjen e fundit të Këshillit Kombëtar të PD-së p...

Ministrja Denaj: Prioritet siguria e qytetarëve, kontroll i sigurimit teknik të ashensorëve

24 Shtator 2019, 08:45, Politikë CNA

Sigurimi teknik i ashensorëve të dëmtuar si pasojë e tërmetit të ndodhur pak ditë më parë duhet të bëhet sa më shpejt, në mënyrë që qytetarët të ndihen të sigurt në përdorimin e tyre dhe të shmangen incidentet e mundshme.

Ministrja e Financave dhe Ekonomisë, znj. Anila Denaj, së bashku me kryeinspektorin e Inspektoriatit Shtetëror të Mbikqyrjes së Tregut, z. Lavdrim Sahitaj, monitoruan nga afër situatën në terren sa i përket sigurisë së ashensorëve, me qëllim ndërgjegjësimin e administratorëve të pallateve, banorëve dhe kompanive të ashensorëve, lidhur me sigurimin teknik të ashensorëve, të dëmtuar si pasojë e tërmetit, në ambiente publike dhe private.

Ministrja Denaj i bëri apel të gjitha kompanive përgjegjëse për sigurinë e ashensorëve dhe mirëmbajtjen e tyre që të kryejnë verifikimet e nevojshme përsa i përket kontrollit teknik të tyre, në mënyrë që të garantohet siguria e qytetarëve.

?Duhet solidaritet për të gjithë situatën dhe do t?u kërkoja të gjithë kompanive, të cilat ruajnë dhe mirëmbajnë ashensorët, ruajnë elementët teknikë dhe i mirëmbajnë në aspektet e sigurisë së qytetarëve, të përshpejtojnë për t?i kontrolluar dhe për t?i verifikuar edhe aty ku nuk ka kërkesë nga administratorët e pallateve, siç është në rastin konkret, pasi është obligim qytetar. Në këto momente të gjithë duhet të angazhohemi për të krijuar siguri për të gjithë qytetarët. Për administratorët e pallatit është e domosdoshme që ku ka pasiguri të reagojnë, por edhe koha e reagimit të kompanive është shumë e rëndësishme?, u shpreh Ministrja Denaj.

Ministrja Denaj informoi se Ministria e Financave dhe Ekonomisë po punon mbi disa ndryshime ligjore lidhur me rritjen e elementëve të cilësisë së certifikimit sa i përket sigurisë së ashensorëve, sipas standardeve të BE-së, ndryshime të cilat shumë shpejt do të dërgohen për miratim në Këshillin e Ministrave.

?Ka elementë sigurie shtesë që gjithnjë duhet t?i vlerësojmë, pasi ka investime të cilat mund të jenë bërë shumë vite para dhe kërkojnë të rishikohen mbi nevojën për të rritur cilësinë. Për të gjitha kompanitë, ato të ndërtimit dhe kompanitë që instalojnë dhe monitorojnë ashensorët, çertifikimi sipas standardeve të BE-së është një kusht. Elementët të cilët do të verifikojnë këto elementë sigurie do të jenë shumë shpejt të pasqyruara në një projektvendim të Këshillit të Ministrave, për të rritur edhe më tej sigurinë e qytetarëve dhe për ta bërë punën e administratorëve edhe më të lehtë në vijim?, sqaroi Ministrja.

Inspektoriati Shtetëror i Mbikqyrjes së Tregut ka komunikuar gjatë këtyre ditëve me të gjitha kompanitë e instalimit të ashensorëve, njësitë vendore dhe administratorët e pallateve, në mënyrë që të bëhet një rivlerësim i gjendjes teknike të ashensorëve.

?Komunikuam me njësitë vendore dhe administratorët e pallateve. Kemi patur një komunikim të vazhdueshëm me 450 administratorë pallatesh në Tiranë dhe Durrës. Kemi komunikuar me të gjithë administratorët e njësive kryesore, siç janë qendrat e bizneseve, spitalet dhe vendet që janë të mbipopulluara nga qytetarët. Kemi parë një angazhim të kompanive, të cilat kanë instaluar dhe janë përgjegjëse për ashensorët. Me këtë rast dua t?i bëj thirrje edhe një herë njësive vendore dhe të gjithë administratorëve që pas tërmetit të bëjnë të mundur një rivlerësim të ashensorëve, te kompanitë që janë përgjegjëse për këtë pjesë?, u shpreh z. Sahitaj.