E fundit!

19:38 Denoncim

99-çi i Veliajt kërkon karrige në Gjykatën Kushtetuese

Një tjetër emër që renditet në grupin e 99-çave të Eri...

Lajmi i rremë për tërmetin/ Lleshaj: U paguan për të krijuar panik

23 Shtator 2019, 15:15, Politikë CNA

Ministri i Brendshëm, Sandër Lleshaj ka reaguar pas lajmit të rremë, që u publikua nga portali Syri. net, ku paralajmërohej një tërmet i fuqishëm, duke përhapur panik tek qytetarët.

Lleshaj ka thënë se dy gazetarët e shoqëruar nuk janë njerëz të thjeshtë por janë paguar që të bëjnë pikërisht atë që ndodhi mbrëmë në Tiranë, duke krijuar panik.

?Nuk i bej dot as komente, aq e shëmtuar është. Ndërkohë që vendi ishte përfshirë nga një tërmet dhe një valë e madhe solidariteti, pati një tendence të turpshme për të krijuar probleme shtese dhe panik për të bërë të kundërtën që do të bënte çdo shqiptar.? ka thënë fillimisht Lleshaj.

?Situata për panikun që u përhap është e pazakontë, është e rrallë, jemi në një situatë.. , është e pamoralshme e pandershme e rrezikshme. Pasi në mes të panikut u tentua të krijohen probleme , u krijua hapsirë për krimin për fenomene te tjera. Pastaj bllokim të trafikut . Tirana ka trafik të rënduar në çdo kohë dhe kjo që nxorrën në rrugë është jashtëzakonisht i dëmshëm. Ata duhet të përballen me drejtësinë. Bëhet fjalë për përpjekje të mirë llogaritura. Jo se u angazhuan qytetarët të papërgjegjshëm, Por të paguar për të krijuar atë që u krijua për pak momente. ? ka thënë me pas Lleshaj.

Ndërsa për sa i përket paketës anti shpifje Lleshaj ka thënë se diçka e tillë është shumë afër dhe me anë të saj do të bllokohen mundësitë që të krijohen problematika të tilla siç u krijua nga lajmi i rremë i shpërndarë nga portali Syri.net.

?Rasti i mbremshme është rasti tipik për të pastruar median nga rrenat publike, duhen quar rrena. Ligji është domosdoshmëri rrena dhe fjala e lirë janë të kundërta duhet bllokimi për rrenën. Legjislacioni është në rrugën e vet shumë shpejt do të vijë në ndryshimet ligjore për atë pjesë të parregulluar. Kodi penal parashikon masa të forta për këtë çështje pasi pasojat janë të jashtëzakonshme, anë më të rënda se aktet kriminale. Masat duhet të jenë të forta. Po hetojmë në thellësi këtë tentativë të rrezikshme. Po bëjmë ndryshime ligjore për të mos patur më të tilla raste? theksoi Lleshaj në një lidhje telefonike për Report TV.