web counter
LEXO PA REKLAMA!

SHKARKO APP

App Store
Google Play

Reformimi i sistemit/ Politologu e thotë troç: Kanë "humbur" partitë politike

24 Shtator 2019, 16:39, Politikë CNA

Duke folur për Reformën zgjedhore dhe atë në drejtësi si dy shtylla të rendësishme për  ti “imponuar” Komunitetit Europian çeljen e negociatave me Shqipërinë, në datën 18 tetor politologu Afrim Krasniqi, njëherësh dhe drejtor i Institutit të Studimeve Politike ka analizuar dhe thelbin që mund të sjellë ndryshimin e duhur politik.

?Kanë ndodhur dy zhvillime si në lidhje me Reformën zgjedhore ashtu dhe me atë në drejtësi. Nëse për atë në drejtësi sot diskutojmë për afate, klauzola, kjo do të thotë se e shohim Reformën që po funksionon dhe po ja matim produktin nëse është ai që kemi pritur. Te rasti i Reformës zgjedhore po ndodh një paradoks. Të gjithë merren me sistemin, merren me teknikalitete dhe nuk merret askush me ndryshimin e thelbit të ndryshimit politik në Shqipëri. Thelbi i ndryshimit politik është reformimi i partive politike. Për sa kohë nuk kemi parti reale politike,çfarë vlera ka nëse e reformojmë këtë sistem me këto parti. E habitshme që për këtë nuk flet askush. Askush nuk është i gatshëm të paguajë një çmim. Në vitet ?90 ne kemi qenë të varfër, por kemi pasur parti politike, kemi pasur debate, kemi pasur konkurrencë, demokraci të brendshme, ndërsa sot nuk ka demokraci të brendshme. Dhe ky duhet të ishte debati kryesor?, ka vlerësuar politologu Krasniqi nga studioja e “Ditarit” në TV “A2 CNN”./ CNA.al





Lajmet e fundit nga