web counter
LEXO PA REKLAMA!

SHKARKO APP

App Store
Google Play

E fundit!

x

Qytetarët “kryqëzojnë” Ramën/ Rrugën e bëri Sokol Olldashi

2 Shtator 2019, 07:46, Aktualitet CNA

Në vijim të ritualit të tij të përditshëm, kryeministri Edi Rama mëngjesin e sotëm ka përshëndetur ndjekësit e tij në rrjetet sociale, duke publikuar disa pamje të veçanta të afreskeve në kishën e Shën Mërisë së Sinjës në Berat.

Rama bën të ditur se afresket janë rikonstruktuar dhe janë nxjerrë në dritë pas një pune të gjatë të arkeologëve.

?Mirëmëngjes dhe me pamjet e një prej afreskeve më të veçantë e të rrallë që ndodhet në kishën e Shën Mërisë së Sinjës, Berat, i cili pas një pune të gjatë është shpëtuar dhe nxjerrë në dritë, ju uroj një javë të mbarë?, shkruan kryeministri krahas një videoje me pamje nga kisha.

Por, pas këtij postimi të kreut të qeverisë qytetarët kanë shpërthyer në komente.

Një qytetar i kujton Ramës se rruga për të arritur te Kisha që ai propgandon sikur ka bërë një punë të madhe, është bërë nga ish-ministri i ndjerë i Transportit, Sokol Olldashi.

?I ndrifte shpirti Sokol Olldashit që e bëri rrugën deri lart?-shkruan qytetari.

Ndërsa një tjetër më tej ironizon Ramën, që sipas tij mburret me një kishë që shpëtoi, ndërkohë që rrënohen mijëra të tjera.

?Te themi shyqyr qe shpetoi 1 kishe nga 1000 tjera qe po rrenohen dita dites,nuk i rrezoi dot keto kisha as turku e as enveri por po i rrenon demokracia me indeferencen e saj !?-shkruan qytetari.

Po ashtu një tjetër qytetar shkruan ?Zoti Kryeminister Kisha e Barmashit ne Kolonje monument i kategorise se pare ,ka nevoje urgjente per nderhyrje, te pakten pjesa qe ka mbetur pa u rrezuar.?.

Gjithashtu një tjetër qytetar shkruan se shtëpia e At Gjergj Fishtës është drejt rrënimit dhe askush nuk ka vënë dorë në të.

?Duhet hedh dhe nje sy shtepis te Gjergj Fishtes , esht shum e rendesishme per kulturen shqiptare.. nuk esht marr asnje njeri me ate shtepi!?-thekson qytetari./ CNA.al





Lajmet e fundit nga