Tre akte “vrasëse” të Ramës dhe Veliajt me Fushën

31 Gusht 2019, 08:32, Aktualitet CNA

Janë të paktën tre akte kur qeveria dhe bashkia e Tiranës janë kapur të gjallë dhe janë akuzuar në afera korruptive me firmën Fusha, por jo vetëm kaq edhe për interesa të tjera që shkojnë tek sistemi i drejtësisë.

Gjithçka fillon me marrëdhënien klenteliste të ish-prokurorit të Tiranës, Petrit Fusha, kur ky drekonte në 24 dhjetor 2016, me kryebashkiakun Erion Veliaj në qendër të Tiranës. (linku)

Fusha kujdesej të ishte me kurriz nga salla, ndërsa kryebashkiaku fliste për hallet e tij të shumta penale dhe dosjet që po bëheshin mal.

Kishin filluar akuzat për vrasjen e Ardit Gjoklajt në Landfillin e Sharrës që administrohej nga Bashkia Tiranë dhe Lali Eri kishte bërë betejë që gjithçka të zhdukej nga media.

Paralelisht të afërm të Petrit Fushës, firma Fusha e Çim Fushës pas dy ditësh fitonte një tender dhjetra milionë euro në total, një shumë 22 milionë euro për ndërtimin e sheshit Skënderbej. Prokuror që takohet me një të akuzuar, dosje që mbyllen dhe tendera që fitohen, këtu është akti i parë i Fushës, Petritit, Çimit dhe kryebashkiakut të Tiranës.

Akti i dytë u bë publik dje kur JOQ publikoi një dokument që tregonte se nën/kryetari i Bashkisë Tiranë, Arbian Mazniku të cilit pronari i Firmës Fusha që ndërtoi sheshin Skënderbej, kushëriri i Petritit të Prokurorisë së Tiranës, paguante 900 euro një natë hotel për ish-çunin e Mjaft, të konvertuar në socialist.

Këto janë dy akte që lidhen me bashkinë Tiranë, me Erion Veliajn që i mbyllen dosje nga Petrit Fusha dhe firma Fusha 48 orë pas drekës, ?rastësisht? fiton tenderin miliona euro. Koha kalon, por Fusha nuk harron, Arbian Maznikut i paguhet një natë në hotel në Barcelonë sa shuma që marrin 10 pensionistë, sa ndihma ekonomike për 20 familje. Cim Fusha po kënaqte Maznikun pas kënaqësive që i ishin berë Veliajt me mbyllje dosjesh në prokurori.

Akti i fundit me Fushën nuk mbyllet në Bashkinë e Tiranës, por shkon lart tek kryeministri ynë, tek qeveria. Firmes Fusha po i jepet me PPP toka pronë e shtetit tek Teatri Kombëtar, ku kjo firmë do ndërtojë një godinë të re falas që vlen 30 milionë euro dhe nga sipërfaqja që i falet nga shteti pritet të fitojë të paktën 150 milionë euro.

Që është një aferë korruptive dhe me pasoja kjo ska më diskutim, nga një vendim i Bashkisë Tiranë, dhe kalim me këshill bashkiak u bë me Ligj të posaccëm nga qeveria, për të shpëtuar edhe Ramën edhe Veliajn.

Janë të paktën tre akte ?vrasëse? të Ramës dhe Veliajt me Fushën, akte korruptive që shkojnë tek PPP, tenderat, krimi dhe mbylljet e dosjeve. Çfarë kishte Mafia në Sicilinë e viteve 70 më shumë sesa korrupsioni i tenderave, mbyllja e dosjeve kriminale, shpërblimi i politikanëve dhe argëtimi i tyre, e më pas shfrytëzimi për interesa e afera të pista?

Asgjë më shumë sesa aktet e Fushës me qeverinë dhe Bashkinë e Tiranës./Elvi Fundo- CNA.al

Gruaja tek Rama, vetÃ« i shÃ«rben Veliajt/ Zbulohet borgjezi i vogÃ«l i BashkisÃ« sÃ« TiranÃ«s