"Acromax" del zbuluar/ Erion Veliaj e nxjerr kompani mashtruese

29 Gusht 2019, 15:11, Aktualitet CNA

"Acromax" del zbuluar/ Erion Veliaj e nxjerr kompani mashtruese

Erion Veliaj, burimi i fotos: LSA

Me datë 2 Korrik 2019, CNA.al publikoi shkrimin, “Veliajt i bie maska e propagandës/ Qytetarët refuzojnë “vrasësin” e Ardit Gjoklajt”, sipas denoncimit të zëdhënëses së Partisë Demokratike Ina Zhupa. (Lexoni këtu)

Në të njëjtën ditë u shfaq kompania “Acromax”, me dejtues Aldor Ninin, e cila na kërkoi që të hiqej lajmi, pa asnjë autorizim, pa asnjë urdhër ligjor, njësoj si një bandë gjobëvënësish që këtë herë vërsulej mbi median.

Ne nuk pranuam, por u pretendua nga kompania që ishte një lajm i pavërtetë, sipas provave të mbledhura prej saj në institucione.

Ndërkohë që lajmi ishte publikuar po atë ditë, pra të martën e 2 Korrikut 2019, në orën 9.15 minuta, pyetja është ku dhe si i mblodhi “Acromax”-i provat apo si i bëri verifikimet në institucione?

Pra, dukej që gjithçka ishte një abuzim. Ne komunikuam me kompaninë i qëndruam përballë dhe i treguam se nuk është “fake news”, duke i dhënë të gjitha sqarimet se përse ne e quajmë Veliajn vrasësin e dytë të Ardit Gjoklajt, megjithse nuk kishim asnjë detyrim ligjor.

Gjithçka ka lidhje me ngjarjen e vitit 2016, ku në landfillin e Sharrës, zonë e cila ishte trumbetuar si e sigurtë nga Veliajt, u gjet i pajetë Ardit Gjoklaj.

Por, pavarësisht sqarime dhe argumenteve, sërish u kërkua që të hiqej materiali dhe pasi një gjë e tillë nuk u pranua nga ana jonë, na kërcënuan se do të raportohej serveri.

Të nesërmen doli edhe raporti i serverit, ku thuhej se raportimi ishte bërë në Gjermani. (Lexoni këtu)

Nga Dhurata Isufaj, u bë e ditur se është raportuar domeini i CNA.al, tek serveri ynë tek kompania në Gjermani, me pretendimin se ne kemi abuzuar me një foto të Erion Veliajt, në një lajm të publikuar.

"Acromax" del zbuluar/ Erion Veliaj e nxjerr kompani mashtruese

Por, skandali qëndron tek fakti që kompania “Acromax”, me drejtues Aldor Ninin ka ushtruar minimalisht shantazh dhe referuar Kodit Penal, ka vjedhur autoritetin e institucionit shtetëror sepse me një imail dërguar me datë 20 Gusht 2019 në adresë të CNA.al, nga Bashkia e Tiranës, theksohet se kryebashkiaku Veliaj, nuk ka asnjë kompani që të merret me imazhin e tij.

Pra, “Acromax” ka ushtruar shantazh dhe ka vjedhur autoritetin e një institucioni publik, pasi ka folur në emër të tij dhe ka kërkuar që të hiqet lajmi i këtij institucioni.

Ndërsa “Acromax”, me drejtues Aldor Ninin, pretendon se përfaqëson imazhin e tij, Bashkia e Tiranës e mohon një gjë të tillë.

Ky është një skandal i paprecedentë me mediat shqiptare, kur një kompani private ndërhyn që të hiqet një lajm për një politikan dhe një institucion publik dhe më pas del se kompania private e ka bërë për interesat e saj, sepse institucioni publik dhe kryebashkiaku e mohojnë.

Se cilat janë arsyet që e ka bërë këtë “Acromax media”, me drejtues Aldor Ninin, sqarimet t’i japë në Prokurori, atje ku është dorëzuar edhe dosja për këtë rast flagrant, i cili përbën një dhunë të hapur ndaj medias dhe fjalës së lirë në Shqipëri./CNA.al

Veliaj sulm ndaj CNA.al

"Acromax" del zbuluar/ Erion Veliaj e nxjerr kompani mashtruese