E vërteta që fshehu Ylli Rakipi, për Ramën dhe Hysenbelliun

29 Gusht 2019, 08:54, Aktualitet CNA

Drejtuesi i emisionit, ?Të paekspozuarit?, Ylli Rakipi, i cili ka qënë ditët e fundit objekt i shumë lajmeve në portale dhe në media, dje ka dalë në një studio të një televizioni lokal me titra.

Në daljen e tij, Ylli Rakipi për herë të parë pas shkrimeve ka drejtuar gishtin ndaj kryeministrit Edi Rama, duke e akuzuar këtë të fundit se është ai personi që i ka mbyllur emisionin, të cilin ai disa vite më parë e filloi në Ora News, më pas e kaloi në News 24 dhe më pas e çoi në Top Channel dhe për t’u rikthyer sërish tek News 24, me dy vite kontratë.

Së fundi ishte bërë një nga ekranet kryesore dhe ndër më të ndjekurit për shkak të opozitarizmit të fortë dhe panelit të ashpër, por edhe disa betejave të cilat në fakt i fitoi, duke filluar nga ajo e Unazës së re, dhe shumë denoncime të tjera, me një panel gazetarësh opozitarë apo analistë neomarksistë si Lubonja apo Bushati.

Gjithësesi, dje Ylli Rakipi i shtangi të gjithë, jo me faktin se drejtoi gishtin tek Edi Rama, që ishte ai autori i vërtetë i mbylljes së emisionit të tij, por për heshtjen e turpshme dhe të papërgjegjshme ndaj pronarit të televizionit, Irfan Hysenbelliu.

Së pari, kontratën Ylli Rakipit ia prishi Irfan Hysenbelliu, ekranin ia mbylli Irfan Hysenbelliu, pavarësisht se gjithçka mund të ketë ndodhur ashtu siç pretendohet dhe thuhet se Edi Rama kontroll të gjitha mediat, çon zëdhënësin e tij, ashtu siç kemi raportuar edhe në CNA.al që borxhet, halllet dhe problemet e Irfanit nuk fillojnë sot, por kanë filluar, janë dhe do të vazhdojnë. Ai ka një stil të tijin dhe një qasje të vazhdueshme ndaj qeverisë kur shikon se ka halle. Nuk i reziston të bëjë beteja me to por i përdor qeveritë që ikin dhe vinë për interesa të biznesit të tij.

Kështu ka qënë edhe rasti i Irfanit me Ylli Rakipin, i përsëritur. Me një kontratë të ndërprerë në mes, kuptohet nga dëshira e qeverisë, nga urdhëri i Ramës apo ata rreth tij për të mos pasur më shumë zhurmë kundër kryeministrit, më shumë shqetësim për kryeministrin, i cili dhe i refuzonte këto studio për të shkuar dhe për të folur, që është prova që tregon se Rama i kishte vërtetë problem.

Por, turpësisht Ylli Rakipi nuk tha asnjë llaf për Irfanin. Gjithçka ia atribuoi Edi Ramës, gjithçka ai e drejtoi vetëm tek kryeministri.

Por, kjo është një e pavërtetë e madhe. Gjysmë të vërtetat janë të gënjeshtra.

Ylli Rakipi, përtej Edi Ramës, duhej të tregonte të vërtetat edhe për Irfan Hysenbelliun, me të cilin kishte një kontratë dy-vjeçare. Ai nuk tha asnjë fjalë për pronarin e televizionit, të cilin nëpër shumë tavolina e akuzon, i drejton gishtin edhe më ashpër sesa ndaj vetë kryeministrit, ndërsa dje në një dalje televizive nuk tha asnjë fjalë, por e mbajti stekën vetëm tek Rama.

Ylli, është koha për të thënë të vërtetat edhe për Irfanin që të hoqi dhe të mbylli dritaren e tij për të marrë zëdhënësin e qeverisë, Sokol Balla dhe asgjë më shumë sesa kaq. E vërteta duhet thënë e plotë. Nuk mundët që dikush të sulmojë vetëm Ramën dhe të mbajë krahun kundër kryeministrit, ndërsa të vërtetën tjetër, atë gjysëm tjetër të vërtetë, që është për Irfan Hysenbelliun të mos e thotë, por të heshtë.

Në këtë rast nuk ka thënë të vërtetën, por një gjysëm të vërtetë. Është koha që Ylli Rakipi ta tregojë edhe të vërtetën për Irfanin, ashtu sikundër e tha për Edi Ramën./ CNA.al

Edi Rama zhvesh Irfan Hysenbelliun/ Ja, Ã§farÃ« ka ndodhur nÃ« News24

Rama i mbylli emisionin/ Ylli Rakipi: â??Kam pamjet filmike ku mÃ« bÃ«n presionâ?

Reagimet/ Ylli Rakipi: Emisionin ma mbylli Rama, kisha dhe njÃ« vit kontratÃ«. Irfan Hysenbelliu: Sâ??guxon njeri tÃ« mÃ« bÃ«jÃ« presion mua