web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Basha "patericë" e Ramës, hesht për kapjen e medias

28 Gusht 2019, 12:33, Aktualitet CNA

Dy ditë më parë, në media u raportua lajmi se Adi Krasta dhe Ylli Rakipi, përkatësisht drejtues të emisioneve ?A Show? dhe ?Të paekspozuarit?, dy emisione me zë të fortë kritik ndaj qeverisë, do të largohen nga Neës 24.

Gjithçka duket se ka ardhur pas zhytjes në borxhe të pronarit të ?Fokus media?, Ifran Hysnebelliu, gjë e cila e ka detyruar të ?dorëzohet? pa kushte tek kryeministri Edi Rama.

Vendin e dy emisionve me zë të fortë kritik kundër qeverisë në ekranin e News 24 tashmë do ta zërë, një ndër ?ushtarët? e Edi Ramës, gazetari Sokol Balla. Pra, e thënë shkurt propagandës së Edi Ramës do t?i shtohet edhe një ekran tjetër që siç duket do t?i shërbejë me devotshmëri.

Adi Krasta, një nga emrat më me peshë në gazetarinë shqiptare, që tërhoqi jo pak vëmendjen e opinionit publik, dhe që mundi të krijonte një audiencvë televizive admiruese, do të zëvëndësohet nga Sokol Balla, çka dëshmon kapjen totale të medias nga pushteti.

Pra, mediat në vend që t?i shërbejnë interesit publik, tashmë i shërbejnë korrupsionit dhe propagandës qeveritare.

Por, përtej kësaj ka edhe një tjetër detaj. Lajmi në fjalë bëri bujë të madhe në rrjete sociale, ku kishte reagime të forta nga figura të ndryshme, përfshirë këtu edhe ish-kryeministrin Sali Berisha, i cili e dënoi këtë si një sulm ndaj medias së lirë dhe të pavarur.

Por, nga ana tjetër, ende nuk është dëgjuar asnjë fjalë nga kreut i Partisë Demokratike, Lulzim Basha.

Kreu i opozitës hesht për kapjen e medias nga Edi Rama, duke treguar edhe një herë atë që CNA.al e ka thënë shpesh, se është në marrëveshje me kreun e qeverisë dhe se i shërben atij për interesa krejtësisht personale dhe klienteliste.

Kreu i partisë më të madhe opozitare në vend, jo më larg se dje në mesditë doli në një deklaratë për mediat, ku ripërsëriti për të disatën herë të njëjtat deklarata, por nuk gjeti kohë të thotë asnjë fjalë për këtë sulm të paprecedentë që kreu i qeverisë bën në drejtim të medias dhe gazetarëve.

Por, mesa duket Luli hesht sepse ka frikë nga Irfani.

Kryetar i PD-së që s?thotë një fjalë për Fane Kapterin, vlen më pak se një ushtar i tij./ CNA.al





Lajmet e fundit nga