E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Video-Basha bëhet qesharak/ Kreu i PD-së gënjen live

27 Gusht 2019, 10:53, Aktualitet CNA

Pas një proteste të zhvilluar në 16 shkurt 2019, kryetari i Partisë Demokratike, Lulzim Basha vendosi djegien e mandateve të deputetëve, në shenjë proteste kundër qeverisë, të cilën e akuzon se ka ardhur në pushtet me votat e blera, me paratë e krimit.

Në rreth 5 muaj, opozita zhvilloi disa protesta kombëtare, shumë prej të cilave të shoqëruara me akte dhune, bojkotoi zgjedhjet vendore dhe për më tepër Basha deklaronte se në 30 qershor nuk do të kishte zgjedhje.

Në lojë hyri edhe presidenti Ilir Meta, i cili ç?dekretoi 30 qershorin dhe dekretoi një tjetër datë për zgjedhjet vendore, atë në 13 tetor.

Por, në fakt zgjedhjet lokale u zhvilluan dhe Basha me bojkotimin e tyre i dhuroi në tavolinë kryeministrit Edi Rama 61 bashki, pra të gjithë pushtetin lokal në Shqipëri.

Tashmë, pasi i futi disa pushime në gusht, kreu i PD-së, Lulzim Basha i është rikthyer kërkesave të tij për krijimin e një qeverie tranzitore dhe zhvillimin e zgjedhjeve të parakohshme parlamentare e lokale, sipas datës kushtetuese.

Ditën e sotme, në një deklaratë për mediat, kreu i PD-së, Lulzim Basha tha se ?13 tetori është data kushtetuese për zgjedhjet vendore e dekretuar nga presidenti i Republikës. Kjo është një tjetër tregues i paligjshmërisë në të cilën është zhytur KQZ dhe institucionet e tjera, të cilat e kishin detyrim kusshtetues të përgatisnin procesin zgjedhor me 13 tetor.?

Ndërsa i pyetur në lidhje me rastin e Shkodrës, nëse KQZ mund të shpallë zgjedhje të parakohshme, pas tërheqjes së Valdrin Pjetrit, Basha tha se ?Kushtetuta është e qartë, KQZ mund të bëjë zgjedhje edhe në Vietnam, kështu siç kanë shkuar punët, por KQZ duhet të zbatojë Kushtetutën dhe dekretin e Presidentit?.

Por, këtu ka një tjetër detaj që e nxjerr qesharak Lulzim Bashën.

Tashmë ka kaluar çdo afat ligjor për t?u regjistruar për zgjedhjet e 13 tetorit, të dekretuara nga presidenti Ilir Meta.

Kodi Zgjedhor parashikon si afat të fundit për regjistrimin e partive në zgjedhje 70 ditë përpara ditës së votimit. Ndërkohë që presidenti Ilir Meta ka dekretuar datën 13 tetor si ditë zgjedhjesh. Sipas kësaj përllogaritje, afati i fundit i partive për të shkuar në KQZ për t?u regjistruar ishte data 4 gusht. Duke qënë se data 4 gusht i binte ditë pushimi, data e fundit ishte 5 gushti.

Pra, Lulzim Basha kërkon zgjedhje të parakoshme parlamentare dhe vendore, me datën kushtetuese, por në fakt kreu i PD-së nuk shkoi të regjistrohet për zgjedhjet e 13 tetorit.

Luli ndoshta është i vetmi kryetar partie në botë i cili kërkon zgjedhje të parakoshme në datën 13 tetor, kërkon dhe zgjedhje kushtetuese lokale në 13 tetor, sikurse i ka dekretuar presidenti, por nuk ka shkuar të regjistrohet në zgjedhje, duke lënë të kalojë çdo afat ligjor./ CNA.al