web counter
LEXO PA REKLAMA!

SHKARKO APP

App Store
Google Play

Basha nuk heq dorë nga zgjedhjet/ Zbulohen detajet e aksionit opozitar

27 Gusht 2019, 10:03, Aktualitet CNA

Kryetari i Partisë Demokratike, Lulzim Basha nuk heq dorë nga kërkesa për zgjedhje të parakoshme parlamentare dhe krijimin e një qeverie tranzitore, që sipas tij do përgatisë zgjedhje të lira e të ndershme.

Në një prononcim për mediat, pas një takimi që zhvilloi me një delegacion gjerman, Basha ka hedhur akuza të forta në drejtim të kryeministrit Edi Rama.

?Trafikantët që vjedhin pasurinë e shqiptarëve, që nga nafta, bregdeti, mineralet, shkatërrojnë biznesin dhe vendet e punës, mbrohen dhe promovohen nga Rama. Kjo është një provë më shumë, se zgjidhja e kësaj krize kalon përmes zgjedhjeve të lira e të ndershme, që do të thotë krijimi i një qeverie tranzitore pa Edi Ramën dhe zgjedhje të parakoshme parlamentare dhe vendore në të njëjtën ditë?-tha Basha.

Gjithashtu Basha tha se opozita dhe PD janë të vendosur në shërbim të interesit të qytetarëve dhe jo zgjidhje artificiale për hir të karrigeve.

I pyetur se cili do jetë aksioni opozitar në vijim, Basha tha se ?Përveç protestave që do jenë edhe më të mëdha e më të fuqishme, paralelisht do të fokusohemi edhe në zgjidhjet që do ofrojmë për qytetarët dhe do të punojmë në kuadër të programit tonë, duke vijuar në shtator me biznesin e vogël dhe fermeret, për të shkuar më pas tek të gjitha grupet e interesit. Kemi gati tashmë dhe do prezantojmë platformën për Shqipërinë si gjithë Europa?./ CNA.al





Lajmet e fundit nga