web counter
LEXO PA REKLAMA!

SHKARKO APP

App Store
Google Play

Spartak Ngjela/ Shqiptarët i thanë Edi Ramës: Anadolli nuk ka vend në Shqipëri

30 Gusht 2019, 21:34, Aktualitet CNA

Lajmin e thyerjes së pllakës së memorialit të viktimave të “grushtit të shtetit” në Turqi, ngjarje e denoncuar mëngjesin e sotëm e ka kometuar  edhe avokat-politikani i njohur Spartak Ngjela.

Nëpërmjet një postimi në faqen e tij në rrjetet sociale, Ngjela është shprehur kategorik në mosqënien e këtij memoriali, duke shkruajtur “Anadolli nuk ka vend në Shqipëri”, togfjalësh ky që vjen si një shuplakë për kryeministrin Edi Rama.

Postimi i plotë

Shqiptarët i thanë Edi Ramës: Anadolli nuk ka vend në Shqipëri.
Ata sot, herët në mëngjes, thyen një pjesë të memorialit të turpshëm të të vrarëve në “grushtin e shteti” në Ankara, që mendohet se ka qënë një vepër e instrumentalizuar nga Rexhep Taip Erdogani për të ushtruar dhunë.

Mijra të burgosur vijojnë të vuajnë në një raprezalje antidemokratike në Turqi, si të implikuar në një grusht shteti fantazmë.
Kurse presidenti turk thotë se jam neoosman.

Por, kryeministri shqiptar duhet ta dijë se shqiptarët kanë qenë ata që e përmbysën osmanizmin në Turqi, pasi e luftuan për 500 vjet. Prandaj, këtu, në Shqipëri, mbijetesa osmane është pamundësi absolute.

Edhe diçka:
Për vendosjen e atij memoriali të turpshëm dhe antikombëtar, nuk ka asnjë lloj vendimi ligjor. Dhe, nuk ka sesi të kish kur ai ka qenë një akt antikombëtar. A e keni parë sesi autorët rrinë të fshehur dhe nuk japin asnjë lloj shpjegimi!/CNA.al





Lajmet e fundit nga