web counter
LEXO PA REKLAMA!

SHKARKO APP

App Store
Google Play

E fundit!

x

Pandeli Majko apo Ditmir Bushati në krye të Vetëvendosjes në Tiranë?

30 Gusht 2019, 12:01, Aktualitet CNA

Ditët e fundit, mediat pranë qeverisë dhe kryeministrit Edi Rama kanë ricikluar një lajm, të prodhuar në zyrat e kryeministrisë disa javë më parë, ku flitej për themelimin e Vetëvendosjes në Tiranë, dhe se do të ishte ish-ministri i Jashtëm, Ditmir Bushati ai që do të merrte drejtimin e saj.

Por, me kalimin e kohës, duket se gjithçka ka qënë e stisur, ose një çorbë e gatuar në paradhomën e Kryeministrit, dhe njerëzve afër tij.

Pasi e hapën lajmin se drejtues do të ishte Ditmir Bushati, tashmë u pa se jo vetëm që nuk do ta merrte drejtimin e kësaj lëvizje, por përkundrazi, nuk ishte as në themelimin e saj. I vetmi personazh politik nga PS-ja që mori pjesë në themelimin e Vetëvendosjes në Tiranë, ishte Pandeli Majko.

Ndërkohë, më tej filluan edhe sulme ndaj Ditmir Bushatit, të cilat duket se drejtohen nga Baton Haxhiu, i akuzuar shpesh si njeriu klientelist i serbëve në Tiranë.

Nga ana tjetër, dy ditët e fundit, pas qëndrimeve të forta të Ditmir Bushatit ndaj kryeministrit Rama dhe qëndrimeve parimore në lidhje me qeverisjen e PS-së dhe kriminalizimin e saj, është rikthyer lajmi se Ditmir Bushati do të ikë nga PS-ja, për të marrë drejtimin e Vetëvendosjes, apo dhe shumë sulme të tjera.

Në fakt e vërteta duket se është krejt ndryshe dhe i vetmi që mund të marrë drejtimin e Vetëvendosjes ndoshta është Pandeli Majko, apo ndonjë nga ata të paradhomës së Edi Ramës.

E vërteta qëndron se Bushati e ka kaluar totalisht në heshtje dhe ky duket të jetë një lajm i sajuar nga mediat pro qeveritare, për të nxitur debate, urrejtje apo duke tentuar që ta përjashtojnë fare nga PS-ja Ditmir Bushatin ashtu siç kanë bërë me dhjetëra e dhjetëra figura të rëndësishme të Partisë Socialiste, të cilët kanë kritikuar Edi Ramën, për mënyrën e tij të drejtimit autokrat dhe për kriminalizimin e kësaj force politike./ CNA.al





Lajmet e fundit nga