“Mos prisni ndërkombëtarët”/ Harxhi: Ja ku është burimi i krimit dhe korrupsionit

1 Shtator 2019, 11:11, Aktualitet CNA

Ish-zëvëndësministrja e Jashtme, Edit Harxhi ka reaguar ashpër në lidhje me situatën e rëndë kriminale në vend, ku sipas saj droga, krimi i organizuar dhe paligjshmëria janë ulur këmbëkryq.

Në një opinion të botuar në gazetën ?Panorama?, Harxhi thekson se ndërsa ngjarjet e rënda pasojnë njëra-tjetrën, shqiptarët nuk duhet të rrinë e të vëzhgojnë dhe presin që t?ua zgjidhin problemet ndërkombëtarët.

?Droga, krimi i organizuar dhe paligjshmëria janë ulur këmbëkryq dhe ne shqiptarët e thjeshtë vazhdojmë të vëzhgojmë, të diskutojmë me zë të ulët nëpër kafene e në shtëpi, duke menduar se dikush nga jashtë do të vijë të shpëtojë vendin tonë që lëngon dhe rrëshqet çdo ditë në paligjshmëri dhe nocioni shtet venitet dhe zhbëhet çdo ditë.

Ngjarjet e rënda tashmë nuk zgjasin as tri ditë, por zëvendësohen nga ngjarje të tjera më të rënda, të cilat kanë në kokë një regjim politikanësh të korruptuar, që mundohen të fitojnë dhe të majmen duke vendosur që nga prona e gjithsecilit prej nesh deri te Teatri Kombëtar, nga se kush do të drejtojë kanalet televizive dhe deri te mbyllja e mediave sociale, nga cila dosje hap Prokuroria e deri te çfarë vendimesh marrin gjykatat e mbetura ne vend, nga kush fiton ndërtimin e akseve rrugore e deri kush merr koncesionin e rrugës, së detit, të lumit, të ajrit e të ushqimit? dhe ne vazhdojmë e dëgjojmë, shikojmë, diskutojmë nën zë dhe nuk reagojmë, por vetëm presim se ndërkombëtarët do të zbarkojnë e do na shpëtojnë nga e keqja.?-shkruan Harxhi.

Por, sipas saj problemi dhe burimi kryesor i së keqes në vendin tonë janë një dhe vetëm një, kasta aktuale politike. Janë partitë politike që nuk ofrojnë alternativë, por vetëm rrjepin shqiptarët.

?Ne vetëm tani kemi nisur të kuptojmë që problemi i këtij vendi është kasta aktuale politike, është ?diktatura moderne me ngjyra? e qeverisjes aktuale, janë partitë politike që nuk ofrojnë alternativë, por vazhdojnë qahen dyerve të kancelarive ndërkombëtare, ata që kanë ndaluar meritokracinë, ata që kanë lejuar zgjedhjet e cenuara dhe cenojnë çdo ditë lirinë e zgjedhjes, duke përzier krimin apo oligarkinë që vetëm nuhat ndërrimin e pushtetit dhe ndërron kahe, ata që e kanë ngritur si majtas, edhe djathtas, piramidën e vendimmarrjes dhe jo demokracinë e brendshme, janë ata të cilët përdorin popullin si turmë dhe fasadë në gjoja platforma, protesta dhe tubime politike dhe jo si bashkëbisedues, janë ata të cilët si në pushtet, edhe jashtë tij, bëjnë marrëveshje në emër të popullit pa konsideruar të mirën publike dhe interesin publik, por vetëm majmjen e tyre.?-shkruan ndër të tjera Edith Harxhi./ CNA.al

â??ShqipÃ«ria nÃ« udhÃ«kryqin mÃ« tÃ« madhâ?/ Edit Harxhi bÃ«n paralajmÃ«rimin e frikshÃ«m